७ साउन, विराटनगर । पछिल्लो २४ घण्टामा चट्याङ लागेर मोरङमा दुईजनाको मृत्यु भएको छ । सोमबार दिउँसो र मंगलबार बिहान वर्षासँगै परेको चट्याङ लागेर दुईजनाको मृत्यु भएको हो । चट्याङ लागेर एक हल गोरु पनि मरेका छन् ।
सोमबार दिउँसो मोरङको धनपालथान गाँउपालिकामा ५० वषिर्य श्याम मण्डलको पनि चट्याङ लागेर मृत्यु भएको थियो । खेत जोतिरहेको अवस्थामा उनलाई चट्याङ लागेको थियो । चट्याङ लागेर कारण उनले जोत्दै गरेका गोरु पनि मरेका छन् ।
मंगलबार बिहान करिब साढे ११ बजे वर्षासँगै परेको चट्याङ लागेर बुढीगंगा गाँउपालिका पर्सावनीका रामेश्वर विश्वासको मृत्यु भएको जिल्ला प्रहरी कार्यालयले जनाएको छ । मृतक विश्वासलाई आफ्नै खेतमा काम गरिरहदाँ चट्याङ लागेको थियो ।
