९ भदौ, काठमाडाैं । प्रहरीले टेलिभिजन कार्यक्रम प्रस्तोता रवि लामिछानेको सम्पत्ति छानविन गर्ने भएको छ । जिल्ला सरकारी वकिल कार्यालय, चितवनले अदालतमा पेश गरेको अनुसन्धान प्रतिवेदनमा प्रहरीले तीनै जनाको सम्पत्ति खोजी गरिरहेको उल्लेख छ ।
अभियोग पत्रमा भनिएको छ, ‘प्रतिवादीहरुको बैंक खाता विवरण हालसम्म प्राप्त नभएकाले प्राप्त भएपछि पेश गरिने व्यवहोरा समेत अनुरोध छ ।’
२० साउनमा चितवनको कंगारु होटलमा झुण्डिएको अवस्थामा भेटिएका पत्रकार पुडासैनीले मृत्युअघि खिचेको भिडियोमा ‘अवैध रुपमा करोडौं’ कमाएको भनिएको थियो ।
यो पनि पढ्नुस्, रवि लामिछानेमाथि अभियोग : क्षतिपूर्तिसमेत भराइ पाऊँ !
रवि लामिछानेसहित ३ जनाको बहस सकियो, आदेश केहीवेरमा
त्यसैले प्रहरीले सम्पत्तिको खोजी गरेको अनुसन्धानमा संलग्न एक अधिकृतले बताए । प्रहरीका अनुसार, लामिछानेको सम्पत्ति खोजी गर्ने क्रममा उनको बैंक खाता खोजिएको थियो तर, नम्बर प्राप्त नभएपछि राष्ट्र बैंकलाई पत्राचार गरिएको बताइएको छ ।
सरकारी वकिलको कार्यालयले जिल्ला अदालत चितवनमा दर्ता गरेको अभियोगपत्रमा समेत प्रतिवादीहरुको बैंक खाता खोजविन गरिएको र प्राप्त भएपछि अदालतमा प्रस्तुत गर्ने उल्लेख गरिएको छ ।
पत्रकार शालिकराम पुडासैनी लामिछाने प्रस्तोता रहेको ‘सिधा कुरा जनतासँग’का पूर्वसंवाददाता हुन् । हालै न्यूज २४ छाडेर उनी माउन्टेन टेलिभिजमा कार्यरत् थिए । प्रकरणमा लामिछानेसहित पत्रकार युवराज कँडेल र नर्स अस्मिता भनिने रुकु कार्कीविरुद्ध आत्महत्यामा दुरुत्साहनको मुद्दा दर्ता भएको छ । अहिले मुद्दामा थुनछेक बहस जारी छ ।
