नेपाल निलो र जापानी टिमबीच भोलि दशरथ रंगशालामा फुटबल

२६ मंसिर, काठमाडौं । नेपाल र जापानी फुटबल टिमबीच शुक्रबार दशरथ रंगशालमा मैत्रीपूर्ण खेल हुने भएको छ । १३ औं दक्षिण एसियाली खेलकुद (साग) मा स्वर्ण जितेको नेपाल यू २३ टिमले नै खेल्ने भनिए पनि केही खेलाडी घाइते रहेकोले अन्य खेलाडी समेटेर नेपाल निलो टिमलाई खेलाउन लागिएको अखिल नेपाल फुटबल संघ एन्फाले जनाएको छ ।

निलो टिममा राष्ट्रिय टिमदेखि उमेर समूहमा खेलेका खेलाडीहरु समावेश हुनेछ । जापानी टिममा भने जापान फुटबल लिग जेएफएल खेल्ने क्लबहरुबाट खेल्ने यू २२ मिश्रित टिम हुनेछ ।

खेल त्रिपुरेश्वरस्थित दशरथ रंगशालमा दिउँसो ३ बजे शुरु हुने एन्फा महासचिव इन्द्रमान तुलाधरले जानकारी दिए ।

खेल हेर्नका लागि रंगशालको भीआईपी प्याराफिटतर्फ १ हजार र साधारण प्यारापिटतर्फ ५ सयको टिकट मूल्य राखिएको छ । यसैगरी जापानी टोलीले आइतबार दशरथ रंगशालमै ‘ए’ डिभिजन क्लब मनाङ मर्स्याङ्दीसँग खेल्ने एन्फा महासचिव इन्द्रमान तुलाधरले जानकारी दिए ।