२०७६ पुष १८ गते १७:२८ 
१८ पुस, काठमाडौं । वर्षाका कारण शहीद स्मारक ए डिभिजन लिगका शनिबार र आइतबारका खेल स्थगित भएका छन् ।
शुक्रबार काठमाडौंमा पानी परेपछि मौसम खराब भएको र दशरथ रंगशालाको अवस्था खेल खेलाउन मिल्ने नभएका कारण स्थगित गरेको हो ।
लिगका बाँकी खेल दुई दिन पछाडि सारिएको अखिल नेपाल फुटबल संघका लिग निर्देशक सञ्जीव मिश्रले जानकारी दिए ।
अब शनिबार तय भएको मनाङ मर्स्याङ्दी र मछिन्द्र क्लब तथा जावलाखेल र एनआरटीबीचको खेल सोमबार हुनेछ । त्यसपछि हरेक दिनको खेल दुई दिन पछि हुनेछ ।
एन्फाको लिग कमिटीको शुक्रबार बसेको बैठकले लिग दुई दिन पछि सार्ने निर्णय गरेको हो ।
प्रतिक्रिया 4