२३ पुस, काठमाडौं । लिभरपुलबाट खेल्ने सेनेगलका फरवार्ड साडियो मानेले अफ्रिकन प्लेअर अफ दि इअरको अवार्ड जितेका छन् । सेनेगलका मानेले इजिप्टका फरवार्ड मोहम्मद सालाह र अल्जेरियाका रियाद महारेजलापछि र्दै पहिलो पटक उक्त अवार्ड जितेका हुन् ।
२७ वर्षीय मानेले लिभरपुलका लागि २०१९-२० सिजनमा १५ गोल गरिसकेका छन् । लिभरपुल १३ अंकको अग्रतासहित शीर्ष सथानमा छ ।
‘म एकदमै खुशी र गौरवान्वित छु अवार्ड जित्दा । फुटबल मेरो काम हो र म यसलाई माया गर्छु,’ मानेले भने, ‘मेरो परिवार, राष्ट्रिय टिम, स्टाफ, फेडेरेसन लिभरपुल फुटबल कलब सबैलाई धन्यावाद दिन चाहन्छु। मेरोलागि यो ठूलो दिन हो ।’
इजिप्टमा भएको अवार्ड समारोहमा सालाह र महारेज उपस्थित थिएनन् । सालाह र महारेज दुवैले यस अवार्ड जितिसकेका छन् ।
पछिल्लो तीन वर्ष माने अन्तिम ३ मा परेपनि अवार्ड जित्न सकेका थिएनन् । माने यस अवार्ड जित्ने दोस्रो सेनेगली खेलाडी बने । यसअघि सन् २००२ मा सेनेगलका एल हाड्जी हिओफले यस अवार्ड जितेका थिए ।
यस्तै रिहाद महारेजले नाइरियाविरुद्ध अल्जेरियामा गरेको गोलबाट गोल अफ दि इअरको अवार्ड जिते ।
यस्तै टिम अफ दि इअरमा भने प्रिमियर लिगबाटै खेलेका खेलाडीको वर्चस्व छ । जसमा माने, सालहा र महारेजसंगै आर्सनलबाट खेल्ने पिएरे एमरिक ओवामेयाङ, लिभरपुलका जोयल मातिप र टटनहमका सर्जि अरिओर पनि अटाएका छन् ।
यस्तै अयाक्सबाट खेल्ने गोलकिपर आन्द्रे ओनाना, बोरुसिया डर्टमण्डबाट खेल्ने अच्रफ हाकिमी, नापोलीबाट खेल्ने कालिदोउ काउलीबेली, पिएसजीबाट खेल्ने इड्रिसा गाना गुये र मोरोक्कोबाट खेल्ने हाकिम जियच छन् ।
