२०७६ माघ १० गते १६:२६ 
काठमाडौं । क्लब च्याम्पियनसिप भलिबल अन्तर्गत फाइनल खेलमा न्यु डायमण्ड क्लबकी खेलाडी प्रतिभा माली घाइते भएकी छिन् ।
राष्ट्रिय टिमकीसमेत स्पाइकर रहेकी प्रतिभा तेस्रो सेटमा घाइते भएकी हुन् । डायमण्डको स्कोर २३-२० बनाउन स्पाइकिङ गर्दा प्रतिभालाई घुँडामा चोट लागेको हो ।
प्रतिभा कोर्टमै ढलेकी थिइन् । उनलाई थप उपचारका लागि ब्लु क्रस अस्पतालमा लगिएको छ । उनको घुँडामा रगत जमेकाे छ । हड्डीमा असर छैन ।
तर, लिगामेन्ट च्यातिएकाे हुन सक्ने आशंकामा ब्लु क्रस अस्ताल लिइएको बताइएको छ । चोटको अवस्था रगत हटाएर एमआरआई गरेपछि मात्रै थाहा हुने छ ।
एपीएफसँग सुरुको दुई सेट हारे पनि डायमण्डले तेस्रो सेट २५-२३ ले जित्दै खेललाई २-१ को अवस्थामा पुर्याएको छ ।
प्रतिक्रिया 4