३२ साउन, काठमाडौं । सिन्धुपाल्चोकको जुगल गाउँपालिका- २ लिदीमा शुक्रबार विहान गएको पहिरोमा हराएका ३९ जनामध्ये १९ जनाको शव भेटिएको छ ।
२० जनाको अहिले पनि खोजी भइरहेको छ । उद्धारमा खटिएको नेपाली सेनाका अनुसार हालसम्म ४ जना महिला, ३ जना पुरुष, ५ जना बालिका र ७ जना बालक गरी १९ जनाको उद्धार भएको छ । शनिबारसम्म १८ जनाको शव भेटिएकामा आइतबार थप १ जनाको शव भेटिएको हो ।
नेपाली सेनाको जनसम्पर्क तथा सूचना निर्देशनालयका अनुसार साउन ३० र ३१ गते पहिरो प्रभावित क्षेत्रमा सेनाको हेलिकप्टरले खाद्यान्न, लत्ता कपडा, त्रिपालगायत अत्यावश्यक राहत सामग्री पुर्याएको छ ।
उद्बारमा नेपाली सेनासँगै स्थानीय प्रशासन, नेपाल प्रहरी, सशस्त्र प्रहरी र स्थानीय वासिन्दा खटिएका छन् । नेपाली सेनाका ४७ जना उद्धारमा खटिएका छन् ।
