२०७७ फागुन २५ गते १६:५५ 
२५ फागुन, काठमाडौं । जर्मनी राष्ट्रिय फुटबल टिमका मुख्य प्रशिक्षक योकिम लो ले युरो कप पछि आफ्नो पद छाड्ने भएका छन् । आगामी जुन-जुलाइमा हुने युरो कप पछि लो ले जर्मन टिम छाड्ने मंगलबार घोषणा गरेका हुन् ।
सन् २००६ देखि लो जर्मन टिमको प्रशिक्षकको रुपमा छन् । उनको प्रशिक्षणमा जर्मनीले सन् २०१४ को फिफा विश्वकप उपाधि जितेका थिए । २००६ को विश्वकपपछि योर्गन क्लिनसमेनले जर्मन टिम छाडेपछि लो प्रशिक्षक बनेका थिए ।
६१ वर्षीय प्रशिक्षक लो ले आफूले सुझबुझपूर्ण तरिकाले पद छाड्ने निर्णय गरेको बताएका छन् ।
यस्तै उनले जर्मन टिमका लागि काम गर्न पाउँदा आफू सम्मानित भएको समेत बताएका छन् ।
प्रतिक्रिया 4