नेपालले अर्को संस्करणको एसियन महिला भलिबल च्याम्पियनसिप खेल्ने

३ साउन, काठमाडौं । आगामी अगष्ट–सेप्टेम्बरमा फिलिपिन्समा हुने एभीसी एसियन वुमन्स भलिबल च्याम्पियनसिप खेल्नबाट वञ्चित भएको नेपालले अर्को वर्ष खेल्न पाउने भएको छ ।

शुक्रबार एसियन भलिबल कन्फेडेरेसन (एभीसी)ले नेपाल र भारतलाई कोभिड–१९ का कारण प्रवेश निषेध रहेकाले च्याम्पियनसिपमा सहभागी गराउन नसक्ने जनाउँदै आठ टीमको मात्र ड्र सार्वजनिक गरेको थियो । जापान र हङकङले भने नाम फिर्ता लिएका थिए ।

पहिलो पटक नेपालले यति ठूलो च्याम्पियनसिप खेल्ने अवसर प्राप्त गरे पनि कोरोना महामारीकै कारण खेल्नबाट वञ्चित हुनुपरेको हो ।

यो पनि पढ्नुहोस

नेपालले अर्को संस्करणको एसियन महिला भलिबल च्याम्पियनसिप खेल्ने

नेपाल भलिबल संघले शुक्रबारै विज्ञप्ति जारी गर्दै कोरोनाको कारण नेपालले खेल्ने अवसर नपाएको जनाउँदै अर्को वर्षका लागि खेल्ने अवसर प्रदान गर्ने पक्का गरेको बताएको छ । एभीसी बोर्ड अफ एडमिनेस्ट्रेसनले नेपाल भलिबल संघलाई अर्को वर्ष यही च्याम्पियनसिपमा सहभागिता गराउने पक्का गरेको हो ।

यस निर्णयपछि नेपालले अब अर्को वर्ष हुने एसियन च्याम्पियनसिप खेल्न पाउनेछ ।