२०७९ जेठ २ गते ९:४९ 
२ जेठ, काठमाडौं । वेष्टह्यामसँग २-२ को बराबरी खेलेपछि लिग लिडर म्यानचेष्टर सिटीले प्रिमियर लिगको उपाधिका लागि अन्तिम खेल नै कुर्नुपर्ने भएको छ ।
जारोड बोवेनले दुई गोल गर्दै वेष्टह्यामलाई पहिलो हाफमै दुई गोलको अग्रता दिलाएका थिए । तर सिटीले पुनरागमन गर्यो ।
सिटीका लागि ज्याक ग्रेलिसले एक गोल गरे भने वेष्टह्यामका भ्लादिमिर काउफालले आत्मघाती गोल उपहार दिए ।
रियाद माहारेनले ८६ औं मिनेटमा प्राप्त प्नाल्टीमा गोल गर्न नसक्दा सिटी जितबाट बन्चित बनेको थियने ।
एक खेल बाँकी रहँदा सिटीले ९० अंक जोड्दै दोस्रो स्थानको लिभरपुलमाथि ४ अंकको अग्रता बनाएको छ । तर लिभरपुलले दुई खेल खेल्न बाँकी छ ।
सिटीले अब आफ्नो अन्तिम खेल जितेमा उपाधि जित्नेछ । यदि लिभरपुल अब हुने खेलमा साउथह्याम्पटनसँग पराजित भएमा भने सिटीले अन्तिम खेल अघि नै उपाधि जित्नेछ ।
प्रतिक्रिया 4