+
+

कांग्रेस नेता पौडेलले भने– प्रधानमन्त्री बन्ने इच्छा छ

अनलाइनखबर अनलाइनखबर
२०७९ असोज ९ गते १२:५८

९ असोज, तनहुँ। नेपाली कांग्रेसका वरिष्ठ नेता रामचन्द्र पौडेलले एकपटक प्रधानमन्त्री बनेर देशको नेतृत्व गर्ने इच्छा रहेको बताएका छन् ।

तनहुँको दमौलीमा आज उद्योगी व्यवसायीसँग आयोजित अन्तक्र्रियामा पौडेलले भने, ‘कार्यकारी पदमा रहेर काम गर्ने इच्छाशक्ति र साहस मसँग छ ।’ आगामी मंसिर ४ गते हुने निर्वाचनमा तनहुँबाट उम्मेदवार बन्ने बताउँदै उनले सहयोग गर्न कार्यक्रमका सहभागीहरुलाई आग्रह गरे ।

नेपाली कांग्रेसको १४ औं महाधिवेशनमा प्रधानमन्त्री शेरबहादुर देउवाले आफूलाई भेटेर देशलाई तपाईंको आवश्यकता छ, स्वास्थ्य ठीक राख्नुस् भनेको पनि उनले बताए ।

कार्यक्रममा पौडेलले आगामी निर्वाचनमा गठबन्धनका उम्मेदवारलाई जिताउने गरी तयारी गर्न आह्वान गरे । गठबन्धन देशको आवश्यकता हो भन्दै उनले संविधान र लोकतन्त्र बचाउनका लागि गठबन्धनलाई सफल बनाउनुपर्ने बताए ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?