
२ फागनु, वीरगञ्ज । वीरगञ्ज महानगरपालिकाका मेयर राजेशमान सिंहले वीरगञ्जलाई दुई नम्बरिया सहर भन्ने गरेको भन्दै चिन्ता व्यक्त गरेका छन् ।
वीरगञ्जका उद्योगी व्यापारीहरुले आर्थिक नगरी भनेर दावी गरेपनि बाहिर त्यस्तो छवि नरहेको उनको भनाइ छ ।
पत्रकार गोपालचन्द्र गौतम प्रतिष्ठान वीरगञ्जले पत्रकार मनिका झालाई ‘गोतामे पत्रकारिता स्वर्ण पदक’ प्रदान गर्न आयोजना गरेको कार्यक्रममा मन्तव्य व्यक्त गर्दै उनले वीरगञ्ज दुई नम्बरिया सहर भन्ने भ्रमबाट मुक्त पानुपर्ने बताए ।
उनले वीरगञ्जमा विभिन्न क्षेत्रमा राम्रो ख्याती कमाएका व्यक्तिहरुको बारेमा जानकारी दिन म्युजियम स्थापना गर्न आवश्यक रहेको समेत बताए ।
‘वीरगञ्जमा पनि गोतामे जी जस्तो गहना छ, गोतामे ज्यू जस्तो, महिला दिदि बहिनीहरुसँग जान्न चाहान्छु, गहना भनेको घरमै राख्ने चिज हो ? कि यसो लगाएर देखाउने कुरा पनि हो’, उनले भने ‘वीरगञ्जका त्यस्ता गहनाहरु, विभिन्न क्षेत्रका म्युजियम किन नबनाउने ? चाहे पत्रकारिता, चाहे राजनीतिक, साहित्यिक होस वा कलाकारिता क्षेत्रमा, त्यस्ता व्यक्तित्वहरुको म्युजियम बनाऔं न, कम्तीमा बाहिरबाट आएका मानिसहरुले वीरगञ्जमा यस्ता व्यक्तित्वहरु थिए भन्न सकुन् ।’
यो खबर पढेर तपाईलाई कस्तो महसुस भयो ?

खुसी

दुःखी

अचम्मित

उत्साहित

आक्रोशित
प्रतिक्रिया 4