२७ मंसिर, काठमाडौं । नेपाल सुपर लिग एनएसएल फुटबलमा स्पोर्टिङ इलामका खेलाडीले रेफ्रीमाथि नै हातपात गरेका छन् ।
वीरगञ्ज २-१ ले पराजित भएको खेलमा रेफ्रीले खेल सकिएको सिठ्ठी फुके लगत्तै इलामका कप्तान तथा गोलकिपर विकेश कुथु रेफ्री कबिन व्यञ्जनकारसँग विवाद गर्दै अघि बढेका थिए ।
९४ औं मिनेटमा वीरगञ्जलाई पेनाल्टी दिएदेखि नै विकेश रेफ्रीसँग असन्तुष्ट थिए । उनले वीरगञ्जका विलियम ओपोकुले पेनाल्टी हान्ने बेलामा पोष्ट नै खाली छाडेका थिए । तर पछि उनी पोष्टमा गए पनि ओपुकुले गोल गरेपछि वीरगञ्ज विजयी भएको थियो ।
खेल सकेपछि विकेशले विवाद गरेपछि व्यञ्जनकारले उनलाई दोस्रो पहेँलो कार्ड देखाए । त्यसपछि झनै आक्रामक बनेका विकेशले व्यञ्जनकारमाथि हातपात नै गरेका थिए ।
इलामका केही खेलाडी र अफिसियल रेफ्री र असिस्टेन्ट रेफ्रीमाथि आक्रामक बनेपछि मैदानमै पुगेर सुरक्षाकर्मीले छुट्टाएका थिए ।
हेर्नुहोस् विवादका तस्वीरहरू :
तस्वीरहरू : विकास श्रेष्ठ/अनलाइनखबर
प्रतिक्रिया 4