२०८२ जेठ २० गते १८:५१ 
News Summary
Generated by OK AI. Editorially reviewed.- टाइम्स बास्केटबल क्लबले हिमालयन जाभा बास्केटबल लिगमा सामाखुशी युथ क्लबलाई ९७-७३ ले पराजित गर्यो।
- उहाँले भने, “मनिषले अन्तिम खेल महत्वपूर्ण भएकोले जितकै लागि खेल्ने बताए।”
- टाइम्सले अब हाउण्ड्ससँग अन्तिम खेल खेल्नेछ र फाइनलको होडमा कायम छ।
२० जेठ, काठमाडौं । टाइम्स बास्केटबल क्लबले हिमालयन जाभा बास्केटबल लिग (एचजेबीएल) मा सामाखुशी युथ क्लबलाई ९७-७३ ले पराजित गरेको छ ।
यस जितपछि ९ खेलबाट १५ अंक जोडेको टाइम्स फाइनल पुग्ने होडमा कायम छ ।
एक खेल कम खेलेको गोल्डेनगेट र हाउण्ड्स एकेडेमीको पनि १५ अंक नै छ । गोल्डेनगेट र हाउण्ड्सले अझै दुई खेल खेल्न बाँकी छ ।
कीर्तिपुर कभर्डहलमा भएको खेलमा टाइम्सले सामुखशीमाथि चारै क्वाटरमा दबाब बनाउँदै अग्रता लिएको थियो ।
टाइम्सले पहिलो क्वाटर २०-१५ र दोस्रो क्वाटर २८-२४ ले आफ्नो पक्षमा पार्दै हाफटाइमसम्म ४८-३९ को अग्रता बनाएको थियो । तेस्रो क्वाटर पनि टाइम्सले २३-२१ ले आफ्नो पक्षमा पार्यो ।
चौथो क्वाटर २५-१३ ले सहजै आफ्नो पक्षमा पार्दै टाइम्सले फराकिलो जित हात पारेको हो ।
टाइम्सका लागि सदिश प्रधानले सर्वाधिक ३३ अंक स्कोर गरे । सामाखुशीका प्रज्वल महर्जनले २१ अंक जोडे ।
टाइम्सका मनिष केसी मोस्ट भ्यालुएबल प्लेअर घोषित भए । टाइम्सले अब लिगको अन्तिम खेल हाउण्ड्ससँग खेल्न बाँकी छ । टाइम्सका मनिषले अन्तिम खेल महत्वपूर्ण भएकोले जितकै लागि खेल्ने बताए ।
प्रतिक्रिया 4