नेपालको इतिहासमा अख्तियारबाट पूर्वप्रधानमन्त्रीमाथि पहिलोपटक भ्रष्टाचार मुद्दा

News Summary

Generated by OK AI. Editorially reviewed.

अख्तियार दुरुपयोग अनुसन्धान आयोगले पूर्वप्रधानमन्त्री माधवकुमार नेपालविरुद्ध भ्रष्टाचार मुद्दा दायर गरेको हो।
नेपालले हदबन्दी छुटमा जग्गा खरिद र पछि बिक्री गरेको प्रकरणमा अनुसन्धान भइरहेको छ।
यो पहिलोपटक मन्त्रिपरिषद्को निर्णयमाथि भ्रष्टाचारको मुद्दा चलेको हो।

२२ जेठ, काठमाडौं । नेपालको इतिहासमा अख्तियार दुरुपयोग अनुसन्धान आयोगबाट पहिलोपटक पूर्वप्रधानमन्त्रीमाथि भ्रष्टाचारको मुद्दा दायर भएको छ ।

पूर्वप्रधानमन्त्री माधवकुमार नेपालविरुद्ध आयोगले विशेष अदालतमा भ्रष्टाचार मुद्दा दायर गरेको हो ।

नेपाल प्रधानमन्त्री भएका बेला पतञ्जलि योगपीठले जडीबुटी खेती र आयुर्वेद अस्पताल निर्माणका लागि हदबन्दी छुटमा जग्गा खरिद गरेको थियो । तत्कालीन सरकारको निर्णयबाट हदबन्दी छुटमा पाएको जग्गा पछि मन्त्रिपरिषद्कै निर्णयबाट बिक्री गरेको भेटिएपछि अख्तियारले छानबिन थालेको थियो ।

सोही प्रकरणमा नेपाललाई प्रतिवादी बनाएर अख्तियार दुरुपयोग अनुसन्धान आयोगले बिहीबार विशेष अदालतमा भ्रष्टाचारको मुद्दा दायर गरेको हो ।

आयोगले मन्त्रिपरिषद्को निर्णयमाथि भ्रष्टाचारको मुद्दा चलेको पनि यो पहिलोपटक हो ।

नेपाल अख्तियार दुरुपयोग अनुसन्धान आयोग गठन भएयता भ्रष्टाचारको मुद्दा खेप्ने पहिलो पूर्वप्रधानमन्त्री बनेका छन् ।

बहुदलअघि पञ्चायतकालमा तत्कालीन प्रधानमन्त्री तुलसी गिरीविरुद्ध पनि भ्रष्टाचारको मुद्दा चलेको थियो । गिरी नेतृत्वको मन्त्रिपरिषद्ले दिएको गलैंचा छुटसम्बन्धी निर्णयविरुद्ध मुद्दा दर्ता भएको थियो ।

यो पनि पढ्नुहोस