२०८२ भदौ १३ गते १४:५३ 
News Summary
Generated by OK AI. Editorially reviewed.- कर्णाली यशविसले एभरेस्ट महिला भलिबल लिग दोस्रो सिजनको टिकटक फेसका लागि मोडल पवित्रा शाँकीलाई अनुबन्ध गरेको छ।
- कर्णाली यशविसले ब्राजिलियन खेलाडी आना फ्लाभिया र मायरा भिटोरियालाई पनि अनुबन्ध गरिसकेको छ।
- कर्णाली यशविसले महानायक राजेश हमाललाई ब्रान्ड एम्बेसडर र कुमार राईलाई प्रशिक्षक बनाएको छ।
१३ भदौ, काठमाडौं । एभरेस्ट महिला भलिबल लिग (इडब्लुभी)को दोस्रो सिजनका लागि अन्तिम तयारीमा रहेको कर्णाली यशविसले टिकटक फेसमा टिकटकर तथा मोडल पवित्रा शाँकी (मिस पवि)लाई अनुबन्ध गरेको छ ।
इन्फिनिटी ड्रिम्सको आयोजनामा आगामी भदौ २० गतेदेखि २८ गतेसम्म चल्ने दोस्रो संस्करणको एभरेस्ट महिला भलिबल लिगको टिकटक फेसका लागि ‘मिस पवि’लाई कर्णालीले अनुबन्ध गरेको हो ।
कर्णाली यशविसले टिममा ब्राजिलियन खेलाडी आना फ्लाभिया र मायरा भिटोरिया अनुबन्ध गरिसकेको छ । उनीहरू केही दिनमै नेपाल आउँदै छन् ।
यसअघि कर्णाली यशभिसले महानायक राजेश हमाललाई आफ्नो ब्रान्ड एम्बेसडरको रूपमा अनुबन्धित गरिसकेको छ भने प्रशिक्षकको रूपमा कुमार राई र मार्की खेलाडी सुमित्रा रेग्मीलाई यो वर्ष पनि निरन्तरता दिएको छ ।
पहिलो संस्करणको विजेता कर्णाली यशभिसले दोस्रो संस्करणमा पनि जित निकाल्ने लक्ष्य राखेको छ ।
प्रतिक्रिया 4