नेपाली फिल्म ‘रिहाना’ बुसानमा वर्ल्ड प्रिमियर हुने

News Summary

Generated by OK AI. Editorially reviewed.

नेपाली छोटो फिल्म ‘रिहाना’ बुसान अन्तर्राष्ट्रिय फिल्म फेस्टिभलको ‘एसियन सर्ट फिल्म कम्पिटिसन’मा वर्ल्ड प्रिमियर हुनेछ।
फिल्मको प्रिमियर नेपाली मितिअनुसार ५ र ६ गते (सेप्टेम्बर २१-२२) मा हुनेछ।
निर्माता केदार भुसालले यो उपलब्धिले नेपाली कथालाई विश्वसामु पुर्‍याउने प्रयासलाई निरन्तरता दिएको बताए।

काठमाडौं । बुसान अन्तर्राष्ट्रिय फिल्म फेस्टिभलमा नेपाली छोटो फिल्म ‘रिहाना’ वर्ल्ड प्रिमियर हुने भएको छ ।

फेस्टिभलको वेबसाइटअनुसार, ‘एसियन सर्ट फिल्म कम्पिटिसन’को विधामा यो फिल्म प्रिमियर हुन लागेको हो । प्रिमियर नेपाली मितिअनुसार ५ र ६ गते (सेप्टेम्बर २१-२२) मा हुनेछ ।

निर्माता केदार भुसालले यो उपलब्धिले नेपाली कथालाई विश्वसामु पुर्‍याउने प्रयासलाई निरन्तरता दिएको बताए ।

उनले भने, ‘नेपालका फरक कथालाई फरक विधामा प्रस्तुत गर्दै विश्वभर पुर्‍याउने लक्ष्यका साथ काम गरिरहेका छौँ । यो छनोटले मलाई अझ ठूलो हौसला र प्रेरणा दिएको छ ।’

’अ दुम्सी पिक्चर्स प्रोडक्सनले निर्माण गरेको फिल्ममा मिराज मोसन पिक्चर्स, अन्डरग्राउन्ड टकिज र पिक्चर फ्रेमको सहकार्य छ ।

लेखन र निर्देशन सुरज पौडेलले गरेका हुन् । पृथु भट्ट र सृजना अधिकारीको मुख्य भूमिका छ । फिल्मलाई उज्ज्वल बस्ताकोटी, अविनाशविक्रम शाह र केदार भुसालले निर्माण गरेका हुन् ।

रोशनी अधिकारी कार्यकारी निर्माताको रूपमा छिन् । शिशिर विशंखेको छायाङ्कन रहेको फिल्मको सम्पादन गौरव मुल्लिकले गरेका हुन् ।