२०८२ असोज १२ गते ७:४२ 
News Summary
Generated by OK AI. Editorially reviewed.- क्रिस्टल प्यालेसले प्रिमियर लिगमा साविक विजेता लिभरपुललाई २-१ ले पराजित गर्दै लिभरपुलको अपराजित यात्रा ब्रेक गरेको छ।
- एडी एनकेतिहले इन्जुरी टाइमको सातौं मिनेटमा निर्णायक गोल गर्दै प्यालेसलाई जित दिलाएका थिए।
- म्यानचेष्टर सिटीले एर्लिङ हालान्डको दुई गोल मद्दतमा बर्नलेलाई ५-१ ले पराजित गरेको छ।
१२ असोज, काठमाडौं । प्रिमियर लिगमा साविक विजेता लिभरपुलको अपराजपत यात्रालमा क्रिस्टल प्यालेसले ब्रेक लगाएको छ । शनिवार भएको खेलमा प्यालेसले लिभरपुललाई २-१ ले पराजित गरेको हो । यो सँगै यस सिजन लिभरपुलको शतप्रतिशत जित यात्रामा ब्रेक लागेको छ ।
एडी एनकेतिहले इन्जुरी टाइमको सातौं मिनेटमा निर्णायक गोल गर्दै प्यालेसले जित हात पारेको हो ।
त्यसअघि घरेलु मैदानमा इस्माइला सारले सातौं मिनेटमै गोल गर्दै प्यालेसलाई अग्रता दिलाएका थिए । फेडेरिको चिएसाले ८७औं मिनेटमा लिभरपुलका लागि बराबरी गोल गरेका थिए । त्यसपछि खेल बराबरीतर्फ अग्रसर भइरहेका बेला एनकेतिहले गोल गर्दै प्यालेसलाई जित दिलाए ।
लिभरपुलको अपराजित यात्रा ब्रेक गरेको प्यालेस यस सिजन लिगमा अपराजित रहने एक्लो टिम बनेको छ । ६ खेलबाट १२ अंक जोडेर प्यालेस दोस्रो स्थानमा उक्लेको छ ।
पराजित भएपछि लिभरपुल ६ खेलबाट १५ अंकसहित शीर्ष स्थानमै छ ।
अर्बो खेलमा एर्लिङ हालान्डको दुई गोल मद्तमा म्यानचेष्टर सिटीले बर्नलेलाई ५-१ ले पराजित गरेको छ । सिटीका माथेउस नुनेनजले एक गोल गरे भने बर्नलेका म्याक्सिम इस्टिभले दुई आत्मघाती गोल गरे ।
जितपछि म्यानचेष्टर सिटी ६ खेलबाट १० अंक जोडेर छैटौं स्थानमा उक्लेको छ ।
यस्तै अन्य खेलमा ब्राइटनले चेल्सीलाई ३-१ ले पराजित गर्दा म्यानचेष्टर युनाइटेड पनि ब्रेन्टफोर्डसँग ३-१ ले नै पराजित भएको छ । बर्नमाउथ र लिड्सले २-२ को बराबरी खेले भने सन्डरल्याण्डले नटिङहम फरेस्टलाई १-० ले पराजित गरेको छ ।
प्रतिक्रिया 4