‘माउन्टेन लजेज’ सन् २०२६ का लागि विश्वकै उत्कृष्ट गन्तव्यमा सूचीकृत

News Summary

Generated by OK AI. Editorially reviewed.

माउन्टेन लजेज अफ नेपाल–मनाङ टाइम म्यागेजिनको विश्वका उत्कृष्ट स्थान २०२६ मा सूचिकृत भएको छ।
शेर्पा हस्पिटालिटी ग्रुपद्वारा व्यवस्थापन गरिएको यो लज उत्तरी अन्नपूर्ण क्षेत्रमा ३,५०० मिटर उचाइमा अवस्थित छ।
लजले आराम, शैली, हिमाली दृष्यावलोकन र सांस्कृतिक अनुभव प्रदान गर्दै उत्कृष्ट सेवा दिँदै आएको छ।

२ चैत, काठमाडौं । माउन्टेन लजेज अफ नेपाल–मनाङ टाइम म्यागेजिनको विश्वका उत्कृष्ट स्थान २०२६ मा सूचिकृत भएको छ । यो सूचीमा विश्वभरका भ्रमण गर्न र बस्नयोग्य १ सय उत्कृष्ट तथा असाधारण गन्तब्य समेट्ने गरिन्छ । शेर्पा हस्पिटालिटी ग्रुपद्वारा व्यवस्थापन गरिएको यो लजले उत्तरी अन्नपूर्ण क्षेत्रमा यात्रा गर्ने यात्रुलाई उत्कृष्ट सेवा दिँदै आएको छ ।

यहाँ पाहुनाले आराम, शैली र उच्च भेगबाट हिमाली दृष्यावलोकन गर्न सक्छन् । साथै दिनभरको पदयात्रा र सांस्कृति अनुभव समेत लिन सक्छन् । टाइमले लेखेको छ, ‘याकहरुले भरिएको मस्र्याङ्दी नदी उपत्यकाको माथि अवस्थित माउन्टेन लजेल अफ नेपाल १४ कोठा भएको ढुंगाले बनेको मनाङ लज यस क्षेत्रको पहिलो उच्चस्तरीय आवास हो ।

यो लज ३,५०० मिटर उचाइमा अवस्थित छ । सो उचाइमा पनि अत्याधुनिक आतिथ्य सेवाका कारण पाहुनाले उत्कृष्ट अनुभव प्राप्त गर्छन् । भव्य हिमाली दृश्य, ऐतिहासिक बौद्ध परम्परा र जीवित हिमाली संस्कृतिको दुर्लभ संयोजनले यो क्षेत्र आफैमा आकर्षक पर्यटकीय गन्तव्य समेत हो ।