रुखले च्यापिएर वृद्धको मृत्यु

News Summary

Generated by OK AI. Editorially reviewed.

पर्वतको बिहादी गाउँपालिका–१ बाच्छामा रुख काट्ने क्रममा ७५ वर्षीय पूर्णबहादुर दर्जीको मृत्यु भएको छ।
दर्जीलाइ उपचारका लागि प्रदेश अस्पताल पर्वतमा ल्याउँदा चिकित्सकले मृत घोषणा गरेका थिए।
जिल्ला प्रहरी कार्यालय पर्वतले घटनास्थलमा पुगेर थप अनुसन्धान गरिरहेको छ।

१० चैत, पर्वत । पर्वतको बिहादी गाउँपालिका–१ बाच्छामा रुख काट्ने क्रममा ढलेको रुखले च्यापिएर एक वृद्धको मृत्यु भएको छ । स्थानीय ७५ वर्षीय पूर्णबहादुर दर्जीको आज दिउँसो मृत्यु भएको हो ।

घर नजिकै रहेको दगदगेको रुख काट्ने क्रममा सोही रुख ढलेर च्यापिँदा गम्भीर घाइते भएका दर्जीलाई उपचारका लागि प्रदेश अस्पताल पर्वतमा ल्याइएकामा चिकित्सकले तत्कालै मृत घोषणा गरेका थिए ।

रुख ढलेर च्यापिएको जानकारी प्राप्त हुनासाथ जिल्ला प्रहरी कार्यालय पर्वत र स्थानीय बाच्छा प्रहरी चौकीको टोली घटनास्थल पुगेको थियो ।

दिउँसो ४ः३० मात्रै प्रदेश अस्पतालमा ल्याइपुर्‍याउँदा चिकित्सकले मृत घोषणा गरेको जिल्ला प्रहरी कार्यालय पर्वतका प्रहरी निरीक्षक दिनेश पौडेलले जानकारी दिए ।

घटनाको बारेमा थप अनुसन्धान भइरहेको प्रहरीले जानकारी दिएको छ ।