२०७९ वैशाख ५ गते १२:२४ 
५ वैशाख, काठमाडौं । आइतबार पञ्जाव किंग्सविरुद्ध शानदार बलिङ प्रदर्शन गरेपछि सिनियर कंग्रेस मेम्बर शशी थरुरले सनराइजर्स हैदरवादका उमरान मल्लिकको प्रशंसा गरे ।
मल्लिकले २०औं ओभर मेडन राख्दै ३ विकेट लिए । यस्तै एक रनआउट पनि सोही ओभरमा भयो । उमरानले ओडेन स्मिथ, राहुल चाहर र वैभव आरोहलाई आउट गरे । उमरानले २८ रन खर्चेर ४ विकेट लिए पनि पञ्जाव १५१ रनमा अलआउट भयो ।
थरुरले ट्वीट गर्दै भातरीय टिममा उमरानको आवश्यकता रहेको लेखेका छन् ।
We need him in India colours asap. What a phenomenal talent. Blood him before he burns out! Take him to England for the Test match greentop. He and Bumrah bowling in tandem will terrify the Angrez! #UmranMalik https://t.co/T7yLb1JapM
— Shashi Tharoor (@ShashiTharoor) April 17, 2022
यस्तै तेलङ्गना राष्ट्र समितिका अध्यक्ष केटी राना राओले पनि आश्चर्यजनक स्पेलका लागि उमरानको प्रशंसा गरेका छन् ।
What an unbelievable spell full of raw pace #UmranMalik 🔥👏
Take a bow young man 👍 By far probably the best ever over in IPL pic.twitter.com/nxZdBQyOVv
— KTR (@KTRTRS) April 17, 2022
आईपीएल २०२२ मा उमरानले उत्कृष्ट प्रदर्शन गरिरहेका छन् । जम्मु कस्मिरका यी अनक्याप्ड खेलाडीले अहिलेसम्म ६ खेलमा ९ विकेट लिइसकेका छन् ।
यसअघि गुजरात टाइटन्सविरुद्धको खेलमा उनले जारी सिजनकै सबैभन्दा तिव्र गतिको बलिङ गरेका थिए । उनले १५३.३ किमी पर हावरको गतिमा बलिङ गरेका थिए ।
२०२१ को आईपीएल अन्तर्गत रोएल च्यालेन्जर्स बेंगलोर विरुद्ध उनले सिजनकै तिव्र गतिमा १५२.९५ को गतिमा बलिङ गरेका थिए ।
इंग्ल्याण्डका पूर्व कप्तान माइकल भनले पनि यसअघि उमरानको प्रशंसा गरेका थिए ।
‘उमरानले भारतको लागि चँडै खेल्नेछन् । यदी म बीसीसीआईमा भएको भए मैले उनलाई काउन्टी क्रिकेट खेल्न पठाउने थिएँ ।’ भनले ट्वीट गरेका छन् ।
उमरान र भुवनेश्वर कुमारले उत्कृष्ट प्रदर्शन गरेपछि सनराइजर्स हैदरवादले आइतबार पञ्जाव किंग्सलाई ७ विकेटले हराएको थियो । यस सिजन सनराइजर्सको यो लगातार चौथो जित हो ।
टाइम्स अफ इन्डियाबाट
प्रतिक्रिया 4