गणतन्त्र उत्सव मनाउँदै एमाले, विपक्षमा राजावादी

News Summary

Generated by OK AI. Editorially reviewed.

काठमाडौंमा आज गणतन्त्र दिवसको अवसरमा एमाले र राजावादीहरुले छुट्टाछुट्टै प्रदर्शन गरिरहेका छन्।
एमालेले साँस्कृतिक झाँकीसहितको प्रदर्शन गरेको छ भने राजावादीहरुले राजसंस्था र हिन्दु राज्यको पुनर्स्थापना माग्दै प्रदर्शन गरिरहेका छन्।
सुरक्षा व्यवस्था कडा बनाइएको र यातायात प्रभावित हुन सक्ने भएकाले ट्राफिक व्यवस्था मिलाइएको छ।

१५ जेठ, काठमाडौं । आज गणतन्त्र दिवसको दिन नेकपा एमाले र राजावादीहरुले छुट्टाछुट्टै प्रदर्शन गर्दैछन् । एमालेले प्रदर्शन सुरु गरिसकेको छ भने राजावादीहरुले एमालेको प्रदर्शन सकिएपछि सुरु गर्ने तयारीमा छन् ।

एमालेले गणतन्त्र दिवसको दिन उत्सव मनाउन साँस्कृतिक झाँकीसहितको प्रदर्शन गरेको छ । तर राप्रपासहितका राजावादीहरुले गणतन्त्र खारेज गरी राजसंस्था र हिन्दु राज्य पुनर्स्थापनाको मागसहित प्रदर्शन गर्दैछन् ।

कार्यक्रमस्थलतर्फ सवारी प्रवेश गर्न नदिई डाइभर्सन गर्ने व्यवस्था मिलाइएको छ ।

अनलाइनखबर लाइभमा स्वागत छः

Live Updates

१० ताजा अपडेट

40 minutes ago, 14:16:02

शान्तिबाटिकामा के भइरहेछ ?

रत्नपार्कतिर राजावादीहरूको जुलुस विभिन्न ठाउँबाट आउँदैछन् । बाक्लो संख्यामा सुरक्षाकर्मी खटिएका छन् । एकातिर नेकपा एमालेका नेता कार्यकर्ता छन् भने अर्कोतिर राजावादीहरू । बीचमा बाक्लो संख्यामा प्रहरी परिचालित छ । मानवअधिकारवादीहरूको पनि उपस्थिति रहेको हाम्रा संवाददाताहरूले बताएका छन् ।

2 hours ago, 13:22:39

शान्तिबाटिकाको दृश्यः वारि राजावादी बीचमा प्रहरी, पारि एमाले

शान्ति बाटिकामा वारि राजावादी छन् । बीच ठूलो संख्यामा प्रहरी परिचालन गरिएको छ । पारि एमालेको र्‍याली आइरहेको छ ।

थप समाचारका लागि यहाँ क्लिक गर्नुहोस् ।

2 hours ago, 13:16:57

पूर्वराजालाई नेपालको सुझावः शासनमा फर्कन चुनावबाहेक अर्को बाटो छैन

पूर्वराजा ज्ञानेन्द्र शाहलाई सुझाव दिँदै नेपालले भने- ‘चुनावी प्रक्रियामा गएर जनताको मन जितेर आए हुन्छ । प्रधानमन्त्री बने पनि हुन्छ,’ उनले भने, ‘ज्ञानेन्द्र शाह शासनमा फर्कने अर्को बाटो छैन ।’

2 hours ago, 13:11:27

नेकपा एमालेको र्‍याली शान्तिबाटिका पुग्न थालेपछि त्यहाँ रहेका राजावादीहरूलाई प्रहरीले हटाएको छ ।

2 hours ago, 13:10:42

प्रहरीले शान्तिबाटिकाबाट हटायो राजावादी

एमालेको र्‍याली शान्तिबाटिका पुग्न लागेपछि त्यहाँ रहेका राजावादीलाई प्रहरीले हटाएको छ ।

2 hours ago, 13:05:16

सत्तारुढ दल नेकपा एमालेले काठमाडौंमा सांस्कृतिक झांकीसहितको उत्सव सुरु गरेको छ ।

2 hours ago, 12:52:50

उपत्यकामा ७ ठाउँबाट जुलुस निकाल्दै राप्रपा, राजेन्द्र लिङ्देन मैतीदेवीतिर

राष्ट्रिय प्रजातन्त्र पार्टी (राप्रपा) ले उपत्यकाका विभिन्न ७ ठाउँबाट जुलुस निकाल्ने भएको छ । पार्टीका प्रवक्ता मोहनकुमार श्रेष्ठका अनुसार, उपत्यकाका विभिन्न सात ठाउँबाट आन्दोलनका लागि जुलुस निकालिनेछ । विस्तृत समाचारका लागिः यहाँ क्लिक गर्नुहोस् ।

2 hours ago, 12:50:04

प्रतिकात्मक खुँडा र ढालसहित एमालेको र्‍याली

नेकपा एमालेका नेता कार्यकर्ताहरु प्रतिकात्मक खुँडा र ढालसहित र्‍यालीमा सहभागी भएका छन् । र्‍यालीको अग्रपंक्तिमा एमाले सचिव लेखराज भट्ट लगायतका नेताहरु छन् ।

2 hours ago, 12:45:26

राजावादीको आन्दोलनमा दुर्गा प्रसाईंको समूह सहभागी नहुने

राष्ट्रिय प्रजातन्त्र पार्टी (राप्रपा) ले आज गर्न लागेको आन्दोलनमा दुर्गा प्रसाईं नेतृत्वको ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’ सहभागी नहुने भएको छ । थप समाचारको लागि यहाँ क्लिक गर्नुहोस् ।

2 hours ago, 12:45:00

राप्रपाले दुई सांसदलाई संसद् पठाएर अरुलाई प्रदर्शनमा उतार्ने

संघीय संसद्मा आज बजेट प्रस्तुत हुँदा राष्ट्रिय प्रजातन्त्र पार्टी (राप्रपा) का दुई सांसद मात्र उपस्थित हुने भएका छन् । राप्रपाका अन्य सांसदहरू राजसंस्था पुनस्र्थापनाको मागसहित आज हुने सडक आन्दोलनमा सहभागी हुने भएका हुन् ।