२०८२ साउन ३ गते १५:५२ 
News Summary
Generated by OK AI. Editorially reviewed.- काभा च्याम्पियन्स लिग भलिबलमा हेल्प नेपाल स्पोर्ट्स क्लब किर्गिस्तानको बिस्केकसँग ३-२ सेटमा पराजित भएको छ।
- मालेस्थित सोसल सेन्टरमा भएको खेलमा बिस्केकले पहिलो, तेस्रो र पाँचौं सेट जितेर खेलमा विजयी भएको थियो।
- बिस्केकले लगातार तीन खेल जितेर ८ अंकसहित शीर्ष स्थानमा रहेको छ भने हेल्प नेपाल ६ अंकसहित तेस्रो स्थानमा छ।
३ साउन, काठमाडौं । माल्दिभ्समा जारी काभा च्याम्पियन्स लिग भलिबल अन्तर्गत आफ्नो तेस्रो खेलमा हेल्प नेपाल स्पोर्ट्स क्लब पराजित भएको छ ।
किर्गिस्तानको बिस्केक-किर्गिस्तानसँग शनिवार भएको प्रतिस्पर्धात्मक खेलमा हेल्प नेपाल ३-२ को सेटमा पराजित भएको हो ।
मालेस्थित सोसल सेन्टरमा भएको खेलमा बिस्केकले पहिलो सेट २५-२० ले आप्नो पक्षमा पार्दै अग्रता लिएको थियो । प्रतिस्पर्धात्मक बनेको दोस्रो सेट टाईब्रेकमा २८-२६ ले आफ्नो पक्षमा पार्दै अल्प नेपाल खेलमा फर्कियो ।
तेस्रो सेट बिस्केकले फेरि २५-२० ले नै आफ्नो पक्षमा पार्दै खेलमा २-१ को अग्रता बनायो । तर चौथो सेटमा हेल्प नेपालले फेरि पुनरागमन गर्यो र चौथो सेट २५-१७ ले सहजै आफ्नो पक्षमा पार्दै खेल पाँचौ तथा अन्तिम सेटसम्म पुर्याएको थियो ।
पाँचौ तथा निर्णायक सेटमा भने हेल्प नेपाल १५-११ ले पराजित हुन पुग्यो ।
हेल्प नेपालले यसअघि माल्दिभ्सको भिवेही सिफाइन्ज र क्लब एचडिसीलाई हराउँदै लगातार दुई खेल जितेको थियो ।
बिस्केकले लगातार तीन खेल जित्दै ८ अंक जोडेर शीर्ष स्थानमा छ । हेल्प नेपाल ६ अंकसहित तेस्रो स्थानमा छ ।
प्रतिक्रिया 4