२ असार, काठमाडौं । नेपाली कांग्रेसका उपसभापति विश्वप्रकाश शर्माले सात बुँदेप्रति संस्थापनइतरको धारणा आउनुपर्ने बताएका छन् ।
कांग्रेस नेता कृष्णप्रसाद सिटौलासँग मंगलबार विहानको भेटमा उक्त प्रसंग उपसभापति शर्माले निकालेका हुन् ।
उपसभापति शर्माको काका वितेको आज पाँच दिन हुँदा झापामा रहेका सिटौला समवेदना दिन पुगेका थिए । त्यही समय शर्मा र सिटौला वीचमा १० देखि १५ मिनेटसम्म कुरा भएको झापाका कांग्रेस नेताहरूले जानकारी गराएका छन् ।
१६ जेठमा पूर्व कार्यवाहक सभापति पूर्णबहादुर खड्का र गत आइतबार पाँच नेताहरूलाई सहमतिका लागि पठाइएको सात बुँदे प्रस्तावमा संस्थापनइतरबाट जवाफ नआएको उपसभापति शर्माले सिटौलासँग बताएका थिए ।
संस्थापनइतरका नेताहरू एक ठाउँमा बसेर त्यस सम्बन्धमा एउटा धारणा बनाउन समेत शर्माले सिटौलासँग आग्रह गरेका थिए ।
सिटौलासँग राखेको प्रसंग सुनाउँदै झापाका एक नेताले शर्माको बोली उद्धृत गर्दै भने, ‘हाम्रो धारणा सभापति गगन मार्फत आउँछ । तपाईंहरूले बनाएको धारणा बाहिर ल्याउने को हो ? सात बुँदे ठिक वा बेठिक भन्ने व्यक्ति तपाईंहरूबाट को हो ? आधिकारिक धारणा ल्याउने व्यक्ति यो हो भनेर हामीले कसलाई चिन्ने ?’
सभापति र उपसभापति नै सहमतिका लागि सात बुँदे प्रस्ताव पठाउने, भेट्न जाने, वार्ता गर्ने लगायतका कार्य गरेको जानकारी शर्माले सिटौलालाई गराएका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4