२०८३ साउन २१ गते १८:४७ 
२१ साउन, काठमाडौं । नेपाल आर्ट काउन्सिल बबरमहलमा खेलकुदसम्बन्धी फोटो प्रदर्शनी गरिएको छ । नेपाल ओलम्पिक संग्रहालयले आफ्नो ३३औं वार्षिकोत्सवको अवसरमा प्रदर्शनी गरिएको हो । प्रदर्शनी साउन १९ गतेदेखि २१ गतेसम्म चलेको थियो ।
‘बियोन्ड मेडल्स : प्रिजर्भिङ नेपाल्स स्पोर्ट्स हिस्ट्री’ शीर्षक दिइएको यस प्रदर्शनीको उद्देश्य नेपालको खेलकुद इतिहास संरक्षण र प्रवर्द्धन गर्नु रहेको बताइएको छ ।
प्रदर्शनीमा नेपाली खेलकुद र खेलाडीसँग जोडिएका तस्बिर, पदक, ट्रफी, खेल पोसाक, स्मृति चिह्न राखिएका थिए ।
यस प्रदर्शनीको आयोजक संस्था नेपालको एकमात्र खेलकुद संग्रहालय हो । यसलाई दक्षिण एसियाकै पहिलो र एकमात्र ओलम्पिक संग्रहालयसमेत भनिन्छ । संस्थाले खेल तथा खेलाडीसँग सम्बन्धित तस्वीर, ट्रफी, पदक, जर्सीलगायत ऐतिहासिक सामग्रीको अभिलेखीकरण, संरक्षण र प्रवर्द्धन गर्दै आएको छ ।
प्रदर्शनीले नेपालको खेलकुद इतिहासलाई नजिकबाट अवलोकन गर्ने अवसर प्रदान गर्यो ।
फोटो : विकास श्रेष्ठ
प्रतिक्रिया 4