२०७६ भदौ ८ गते २१:२५ 
काठमाडौं । सर्जिओ एग्युरोको दुई गोलसँगै म्याचेष्टर सिटीले पि्रमियर लिगमा बोर्नमाउथमाथि सहज जित हात पारेको छ ।
आइतबार भएको खेलमा सिटीले बोर्नमाउथलाई ३-१ गोल अन्तरले पराजित गरेको हो । बोर्नमाउथमा भएको खेलमा सिटीले १५ औं मिनेटमा एग्युरोको गोलबाट अग्रता लिएको थियो । पहिलो हाफ सकिनै लाग्दा राहम स्टर्लिङले गोल गरे ।
पहिलो हाफको इन्जुरी टाइममा घरेलु टोलीका लागि हृयारी विल्सनले गोल गरे । तर दोस्रो हाफको ६४ औं मिनेटमा एग्युरोले व्यक्तिगत दोस्रो गोल गर्दै सिटीको जित सुनिश्चित गरे । यो उनको करियरको ४०० औं गोल समेत हो ।
प्रतिक्रिया 4