२०७६ फागुन ११ गते ८:५२ 
गाब्रिएल जेससको १ मात्र गोलमा म्यनचेष्टर सिटीले प्रिमियर लिगमा जित हात पारेको छ । शनिबार राति भएको खेलमा म्यानचेष्टर सिटीले लेस्टरलाई १–० ले पराजित गरेको हो ।
सर्जियो अगुएरोले पेनाल्टीको सदुपयोग गर्न नसके पनि वैकल्पिक खेलाडीको रूपमा मैदान प्रवेश गरेका जेससले निर्णायक गोल गरे ।
खेलको ६२ औं मिनेटमा सिटीले पाएको पेनाल्टी अगुएरोले प्रहार गरेका थिए । तर लेस्टरका गोलकिपर पिटर सेमिकलले बचाए ।
७७ औं मिनेटमा अगुएरोकै स्थानमा जेसस मैदान प्रवेश गरेका थिए । उनले त्यसको ३ मिनेटपछि नै ८० औं मिनेटमा सिटीका लागि गोल गरे । त्यही गोल निर्णायक बन्दा सिटीले ३ अंक जोड्यो ।
जितपछि २७ खेलबाट सिटीले ५७ अंक जोडेको छ भने लिग लिडर लिभरपुलभन्दा अझै १९ अंकले पछि छ । एक खेल कम खेलेको लिभरपुलको ७६ अंक छ ।
प्रतिक्रिया 4