मुम्बई । ‘किङखान’को उपाधि पाएका शाहरुख खानको रेकर्ड सलमान खानले तोडेपछि दुईखानको सितयुद्ध फेरि सुरु हुने सम्भावना बढेको छ । सलमान अभिनित ‘किक’ले शाहरुखको ‘चेन्नई एक्सप्रेश’ को रेकर्ड तोडेको छ ।
किकले अहिलेसम्म २२७ करोड कमाई गरेको छ भने, शाहरुखको चेन्नई एक्सप्रेशले २२६ करोड कमाई गरेको थियो । चेन्नई एक्सप्रेश गएको वर्ष ईदमा रिलिज भएको थियो भने उक्त फिल्मले सलमानको ‘एक था टाईगर’लाई पछारेको थियो । ‘किक’ बलिउडमा सर्वाधिक कमाई गर्ने मध्ये तेस्रो फिल्म भएको छ ।
अहिलेसम्म सबैभन्दा धेरै ‘धुम ३’ ले २८० करोड कमाई गरेको छ भने ऋतिक रोशन अभिनित ‘क्रिश ३’ २४० करोड कमाई गरेको थियो । समिक्षकहरुले सलमानले ऋिितकको पनि रेकर्ड तोड्न सक्ने अनुमान गरेका छन् ।
