६ जेठ, काठमाडौं । काठमाडौं उपत्यका विकास प्राधिकरणले चावहिल -साँखु सडक २२ मिटर चौडा पार्ने योजना अघि सार्यो ।
त्यसका लागि सडक मिचेर बनाइएको संरचना भत्काउन ठेक्का पनि लगायो । तर, लामो समय बित्दा पनि काम सुरु नभएको आजको नागरिक दैनिकले जनाएको छ ।
यसको एउटै कारण हो त्यस क्षेत्रका सांसद सडक विस्तारको विपक्षमा उभिनु । स्थानीयको दबाबमा सांसदले नै अवरोध गरेपछि ठेक्का लगाइएको काम बीचमै अलपत्र परेको हो ।
त्रिपुरेश्वर नागार्जुन सडकमा पनि यही समस्या देखिएको छ । मापदण्डविपरीत सडक मिचेर बनाइएको संरचना भत्काउन सांसद र नेताको तीव्र अवरोध छ ।
यतिसम्म कि प्राधिकरणले कालिमाटी सोल्टिमोड खण्डमा भत्काउनुपर्ने संरचनामा चिनोसमेत लगाउन सकेको छैन । उक्त सडकको अन्य खण्डमा पनि एक वर्ष ढिला गरी चिनो लगाइएको थियो ।
उपत्यकाका अन्य थुप्रै सडकमा समेत सांसद तथा नेताले स्थानीयलाई उचाल्दै विस्तार अघि नबडाउन प्राधिकरणलाई दबाब दिँदै आइरहेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4