नायिका स्वेता खड्का यतिबेला अमेरिकामा छिन् । अमेरिकामा आयोजना भएको एक अवार्ड समारोहमा भाग लिन उनीसँगै केहि नेपाली कलाकार अमेरिका पुगेका थिए ।
नायक भूवन केसी, शिव श्रेष्ठ, नायिका अशिष्मा नकर्मी, स्वेता खड्का लगायतका कलाकार अमेरिका पुगेका हुन् । धेरै कलाकारलाई यसपटक पनि अमेरिकाले नपत्याउँदा उनीहरु अवार्डमा सहभागी हुन पाएनन् ।
नायिका स्वेता खड्काका लागि अमेरिका भ्रमण विशेष रह्यो । उनले अमेरिकामा नै रहेका नायक राजवल्लभ कोइरालालाई भेट गरिन् । नायक कोइराला र स्वेताले चलचित्र ‘हाँसी देउ एक फेर’मा एकसाथ काम गरेका थिए । यो चलचित्र बक्स अफिसमा त पूर्ण रुपमा असफल बन्यो ।
राजले स्वेतासँगको तस्बिर फेसबुकमा शेयर गर्दै ‘हाँसी देउ एक फेर’ लेखेका छन् । स्वेता चाडै नै चलचित्र निर्माण गर्दै यो क्षेत्रमा र्फकने तयारीमा छिन् । नायक कोइराला भने चलचित्र ‘हाइवे टू धम्पुस’मा काम गरेपछि अमेरिका हानिएका हुन् ।