८ कात्तिक, चितवन । चितवनको कंकाली सामुदायिक वनमा वनभोज खान गएका एक किशोरको बुधबार दिउँसो स्वीमिङ पुलमा डुवेर मृत्यु भएको छ ।
नवलपरासीको कावासोती नगरपालिका-८ का १७ वर्षीय शिशिर कंडेलको स्वीमिङ पुलमा डुबेर मृत्यु भएको इलाका प्रहरी कार्यालय खैरहनीले जानकारी दिएको छ ।
कंडेल गैंडाकोटको नमूना कलेजमा कक्षा ११ मा विज्ञान विषयका विद्यार्थी हुन ।
कार्यालयका प्रमुख यदुकृष्ण भट्टका अनुसार दिउँसो सवा २ बजेतिर सो घटना भएको हो ।
साथीहरुसहित वनभोज आएका कंडेल दिउँसो पौडी खेल्न भन्दै पुलमा पसेका थिए ।
उनी डुबेपछि साथीहरुले उद्धार गरी उपचारका लागि पूरानो मेडिकल कलेजमा लगिएको भएपनि उनलाई चिकित्सकहरुले मृत घोषणा गरेका थिए ।
करीव ४० जना युवाहरु वनभोज गएका थिए । नमूना मावि तथा कलेजका सञ्चालक निर्मल पाण्डेले कलेज सञ्चालनमा नै रहेपनि कंडेल कलेज नै नआई वनभोज गएको बताए ।
सो सामुदायिक वनभित्र यसअघि पनि यस्तैं घटना हुँदै आएको स्थानीय वताउँछन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4