नायिका आँचल शर्मा नेपाली चलचित्र क्षेत्रमा चर्चित छिन् । पछिल्लो रिलिज चलचित्र ‘दाल भात तरकारी’पछि आँचल अहिले म्यूजिक भिडियोमा नै मस्त छिन् । आँचल शर्मा सामाजिक संजाल र युटुबमा सक्रिय छिन् । उनले अभिनय गरेका म्यूजिक भिडियोहरु युटुबमा धेरै नै सार्वजनिक भैरहेका हुन्छन् ।
उनै, आँचलले आफ्नो दैनिक अपडेट आफ्ना फ्यानलाई सामाजिक संजालबाट पनि गरिरहेकी छिन् । यसैविच, आँचलले आफूले बेष्ट फ्रेन्ड भेटेको उल्लेख गरेपछि उनका फ्यानलाई चासो बढेको छ । आँचलले उदिप श्रेष्ठलाई आफ्नो सबैभन्दा मिल्ने साथी भनेकी छिन् ।
आँचलले इन्स्टाग्राममा राखेको तस्वीरमा उनी उदिपसँग खुशी देखिएकी छिन् । नेपाली चलचित्रमा आँचलका नायिका साथी नै धेरै छन् । नायक पल शाहसँग उनको प्रेम सम्बन्धको चर्चा चलेपनि अहिले सेलाएको छ । आँचलले बेष्ट फ्रेन्डसँग खुशी देखिएकी छिन् । उनीहरुको मित्रतामा कसैको आँखा नलागोस् ।
