२४ मंसिर, काठमाडौं । सर्लाहीबाट प्रहरीले नलकटुवा पेस्तोलसहित एक जना भारतीय नगारिकलाई पक्राउ गरेको छ ।
सर्लाहीको बिष्णु गाउँपालिका-२ स्थित सडकबाट २१ वर्षीय भारतीय नागरिक संजय सिंह पक्राउ परेका हुन् ।
प्रहरी चौकी बाराउधोरणबाट खटिएको प्रहरीले बिआर ३० यु ९८९४ नम्बरको मोटरसाइकल चेकजाँच गर्ने क्रममा उनको साथबाट १ थान नलकटुवा पेस्तोल र ३ राउण्ड गोली बरामद गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।
