२ जेठ, काठमाडौं । सरकारले काठमाडौं उपत्यकाभित्र ४ वटा आधुनिक उपशहर बनाउने भएको छ । शुक्रबार सरकारको तर्फबाट राष्ट्रपति विद्यादेवी भण्डारीले संघीय संसदको संयुक्त बैठकमा आगामी आर्थिक वर्ष २०७७/७८को नीति तथा कार्यक्रम प्रस्तुत गर्दै आगामी वर्षमै यो काम सुरु गर्ने उनले बताइन् ।
उनले अब व्यवस्थित शहरीकरणको पूर्वाधार विकास गर्ने पनि बताइन् । त्यसका लागि आवश्यक सहरी सडक विकास गर्ने पनि नीति तथा कार्यक्रममार्फत घोषणा गरेकी छिन् ।
यसैगरी सरकारले विभिन्न लोकत्रान्तिक आन्दोलनमा शहिद भएकाहरुको व्यवस्थित अभिलेख सहित वृहत शहिद पार्क बनाउने घोषणा पनि गरेको छ ।
