३ जेठ, भद्रपु (झापा) । कचनकबल गाउँपालिका-७ स्थित दीपज्योति सामुदायिक वनमा निगुरो टिप्न गएका एक वृद्धको जङ्गली हात्तीको आक्रमणमा मृत्यु भएको छ ।
शनिबार दिउँसो ८२ वर्षीय वृखबहादुर राईको मृत्यु भएको जिल्ला प्रहरी कार्यालय झापाका प्रहरी उपरीक्षक कृष्ण कोइरालाले बताए । हात्तीले आक्रमण गरेको खबर प्राप्त भएपछि प्रहरीको टोली घटनास्थलमा पुगिसकेको उनले जानकारी दिए ।
दशगजामा सालक छाडेर भागे तस्कर
यस्तै, झापाको कचनकबलस्थित भारतीय सीमा क्षेत्रको दशगजामा तस्करी हुन लागेका अवस्थामा नेपाल प्रहरीको गस्तीले संरक्षित वन्यजन्तुको सूचीमा रहेको एउटा सालकको उद्धार गरेको छ ।
कचनकबल गाउँपालिका वडा नं ५ स्थित ११२ र ११३ सीमास्तम्भबीचमा प्लास्टिकको बोरामा पोको पारेर फालिएको अवस्थामा जिउँदो सालक फेला परेको जिल्ला प्रहरी कार्यालयले जनाएको छ ।
शुक्रबार राति गस्ती टोलीले फेला पारेको सो सालक प्रहरीले आज डिभिजन वन कार्यालयलाई बुझाएको कार्यालयका प्रमुख विष्णुलाल घिमिरेले बताए । रातिको मौका छोपी भारततर्फ तस्करी गर्ने गिरोह प्रहरीको गस्ती आएपछि सालक छाडेर भागेको हुनसक्ने अनुमान गरिएको छ ।
बन्दाबन्दी भएयता डिभिजन वन कार्यालयले उद्धार गरेर ल्याइएका दुई मृग, एक अजिङ्गर र हुचिललाई संरक्षण गरेको जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Imadol")
%20-%20Copy.jpg "House for Sale at Cozy Homes, Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4