३० साउन, काठमाडौं । एक करोड भन्दाबढी रकम हिनामिना गरेको आरोपमा प्रहरी सहायक निरीक्षक (असई) दिलिप कार्कीलाई अख्तियार दुरुपयोग अनुसन्धान आयोगले नियन्त्रणमा लिएको छ ।
कार्कीले प्रहरी कल्याण कोष पेट्रोल पम्प नक्सालमा कार्यरत रहँदा एक करोड ८ लाख ९९ हजार १८४ रुपैयाँ हिनामिना गरेको आरोप लागेको छ ।
आव ०७४/०७५ र आव ०७५/०७६ मा सो पेट्रोल पम्पमा कार्यरत हुँदा कार्कीले उक्त रकम हिनामिना गरेको सम्बन्धमा अनुसन्धान गर्न उनलाई नियन्त्रणमा लिइएको प्रवक्ता तारानाथ अधिकारीले बताए ।