Comments Add Comment

एक शब्दचित्र जीवनको

यी प्रत्येक रातहरू
यी प्रत्येक दिनहरू
जीवनका पानाहरू
पल्टाइरहेछु एकएक गरेर ।

पाठकजस्तो समय
पुस्तकजस्तो जिन्दगी
अनि पुस्तकका परिघटनाजस्तै
जीवनका आरोह–अवरोहहरू ।

खहरे त रहेछ यो यात्रा
लहर त रहेछ यो गन्तव्य
नत्र किन बगरमात्रै
बाँकी रहन्थ्यो र झरी थामिएपछि ?
एउटा अलिखित र अप्राप्य
अस्तित्व
त्यो उन्मत्त जलप्रवाह
कुन महासागरमा पुगेर
सामाधिस्त भयो होला ?

अनि त्यो जीवन्त लाग्ने लहर
कुन सदावहार नदीको शान्त बहावमा
एकाकार भयो ?

प्रश्नहरू केवल
प्रश्नमै सीमित रहन्छन्
किनकी उत्तरहरू नभेट्टाउँदै पुस्तक
समाप्त भइसकेको हुन्छ !

यो खबर पढेर तपाईलाई कस्तो महसुस भयो ?

ट्रेन्डिङ

Advertisment