५ मंसिर,बुटवल । पाल्पामा थप एकजना कोरोना संक्रमितको मृत्यु भएको छ । रामपुर नगरपालिका-५ की ५४ वर्षीया महिलाको लुम्बिनी मेडिकल कलेज प्रभास तानसेनमा उपचारका क्रममा शुक्रबार मृत्यु भएको हो ।
मधुमेह र उच्च रक्तचापकी बिरामी महिला स्वास्थ्यमा समस्या आएपछि कात्तिक १९ गते अस्पताल भर्ना भएकी थिइन् ।
उनको कात्तिक २० गते कोरोना परीक्षण रिपोर्ट पोजेटिभ आएको थियो । योसँगै पाल्पा जिल्लामा कोरोना संक्रमितको मृत्यु हुने संख्या १९ पुगेको जिल्ला स्वास्थ्य कार्यालय पल्पाले जनाएको छ ।
