कोरोना महामारीका कारण ९ महिनादेखि बन्द रहेका हलहरु आजबाट खुलेका छन् । हल व्यवसायीहरुको छाता संगठन चलचित्र संघले हल खोल्ने घोषणा गरेसँगै आजबाट देशभरका अधिकांश हलहरु खुलेका छन् ।
हलमा आजबाट २ नेपाली र २ अंग्रेजी चलचित्र रिलिज भएका छन् । तर, हल खुलेसँगै चलचित्रकर्मीहरु जिल्ला प्रशासन कार्यलय पुगेका छन् ।
हल खुलाउने निर्णय गरेपछि सीडीओ कार्यलयले छलफलका लागि डाकेको हो । चलचित्र संघका अध्यक्ष मधुसुदन प्रधानले अनलाइनखबरसँग भने–‘हामीले हल खोल्ने निर्णय गरे अनुसार आजबाट देशभरका हल संचालनमा आएका छन् । जिल्ला प्रशासन कार्यलयबाट बैठकका लागि बोलाइएपछि हामी आएका हौं ।’
छलफलमा चलचित्र विकास बोर्डका अध्यक्ष दयाराम दाहाल, हल व्यवसायी, निर्माता, निर्देशकहरु सहभागी छन् । सरकारले हल खोल्ने अनुमती नदिएपनि एकतर्फी रुपमा हल खोल्ने निर्णय गरेका चलचित्रकर्मीलाई जिल्ला प्रशासन कार्यलयले कुराकानीका लागि बोलाएको हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4