९ फागुन, काठमाडौं ।नेपाल टेलिभिजनबाट प्रशारित वाइवाइ नेपाल स्टारको उत्कृष्ट ६ मा पर्न सफल सिद्धान्त खड्कालाई वृज सिमेन्टले आवास निर्माणको लागि सहयोग स्वरूप सिमेन्ट हस्तान्तण गरेको गरेको छ ।
नेपाल स्टारको सुटिङ्ग स्थलमा नै उपस्थित भएर वृज सिमेन्ट इण्डष्ट्रीज प्रालिका कार्यकारी निर्देशक मोहित केडियाले उक्त्त सहयोग घोषणा गरेका थिए ।
सिद्धान्त खड्का नेपाल स्टारमा इटहरी अडिसन राउण्डबाट प्रवेश गरेका थिए । उनको आफनो गायनको श्रृङ्खलाको निरन्तरता नेपाल स्टारको उत्कृष्ट ६ मा आइपुगेपछि भोटको आधारमा बाहिरिएका थिए । आफनो संस्थागत सामाजिक उत्तरदायित्व अन्तर्गत पुष्पतारा केडिया सेवा फाउण्डेशनको सहकार्यमा वृज सिमेन्टले उक्त्त सहयोग गरेको हो।
खड्काले अडिसन राउण्डदेखि मेहनत र परिश्रमले उत्कृष्ट ६ सम्मको यात्रा तय गरेका थिए । उनको प्रतिभाको मुल्यांकन गर्दै वृज सिमेन्टले उनको आवास निर्माणको लागि सहयोगको हात अगाडि बढाएको थियो ।
