तीज पर्व नजिकिदै गर्दा मोडलहरुको व्यस्तता पनि खुबै बढेको छ । दैनिक उनीहरु छायांकनमा व्यस्त हुन थालेका छन् । मोडलिङको दुनियाँमा प्रवेश गरेको एक बर्षमै ८१ वटा भिडियोमा अभिनय गरेकी मोडल गीता ढुंगानाले भने यो बर्ष २ वटा मात्र तीजको गीतमा अभिनय गरेकी छिन् । उनको अभिनय रहेको ‘घन्किदे मादलु भाँच्ने हो कम्मर’ बोलको गीतको बिहिबार छायांकन गरिएको छ ।
यो गीतको भिडियोमा गीताको साथमा अर्की मोडल विना राउतको पनि नृत्य छ । गीतमा शब्द, संगीत तथा स्वर सुमित्रा कोइरालाको छ । भिडियोको निर्देशन काजिस श्रेष्ठले गरेका हुन् । भिडियोमा राजेश घिमिरेको छायांकन छ । यो भिडियोलाई आइतबार सार्वजनिक गर्ने तयारी काजिसको छ ।
यो गीतले तीजको रमाइलो पललाई बोलेको गायिका कोइरालाले बताइन् । गीता र विनुले पनि गीत मन परेपछि काम गरेको बताए ।
तस्वीरः शंकर गिरी
