+
+

तमिल फिल्म ‘सोरारई पोटरु’को रिमेकमा अक्षय कुमार

अनलाइनखबर अनलाइनखबर
२०७८ माघ १६ गते १५:३७
अभिनेता अक्षय कुमार । फाइल तस्वीर

१६ माघ, काठमाडौं । बलिउडमा साउथका चलचित्रको रिमेक गर्ने प्रचलन निक्कै बढेको छ । साउथका हिट चलचित्रको रिमेक बनाउनमा बलिउडका मेकरहरु लागिपरेका छन् । बलिउडका स्टारहरु पनि करिअरलाई बलियो बनाउनका लागि साउथ फिल्मको रिमेकको पछि लागेका छन् ।

यसैबीच अर्को एक तमिल चलचित्र ‘सोरारई पोटरु’को पनि रिमेक बन्ने भएको छ । सूर्याको मुख्य भूमिका रहेको यो चलचित्र सन् २०२० मा रिलिज भएको थियो । चलचित्रको रिमेकमा अभिनेता अक्षय कुमारले काम गर्न लागेको भारतीय सञ्चारमाध्यमले जनाएका छन् ।

अक्षय कुमारले आफ्नो करिअरमा थुप्रै साउथका रिमेक चलचित्रमा काम गरिरहेका छन् । उनले यो चलचित्रको छायांकन ‘सेल्फी’को काम सकेपछि गर्ने बताइएको छ । अक्षयको हातमा अहिले आधा दर्जनभन्दा बढी चलचित्र छन् । अक्षयका एक वर्षमै आधा दर्जन चलचित्र रिलिज हुने गरेका छन् ।

पछिल्लो समय अक्षयका सबैजसो चलचित्रले बक्स अफिसमा सुखद् व्यापार गरेका छन् । उनले विशेषगरी साउथका रिमेक र देशप्रेमका कथामा काम गरिरहेका छन् ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?