+
+

‘प्रसाद २’मा अभिनेता राज कटुवाल अनुबन्धित

अनलाइनखबर अनलाइनखबर
२०७९ असार १४ गते १६:४०

काठमाडौं । अभिनेता राज कटुवाल छायांकन तयारीमा रहेको फिल्म ‘प्रसाद २’मा अनुबन्धित भएका छन् । फिल्मको प्रमुखमध्येको एक भूमिकामा आफू कास्टिङ भएको उनले जानकारी दिए ।

फिल्ममा यसअघि नम्रता श्रेष्ठ, विपिन कार्की र अर्पण थापा फाइनल भइसकेका छन् । ‘मुख्य भूमिकामा म पनि छु । फिल्मलाई लिएर उत्साहित छु,’ कटुवालले अनलाइनखबरसँग भने ।

अभिनेतामध्येका एक निश्चल बस्नेत बाहिरिएपछि अर्पण अनुबन्धित भएका हुन् । असार १६ गतेदेखि छायांकन सुरु हुने फिल्मको यसपटकको लोकेसन बागलुङ छ । दलित र गैरदलितबीचको प्रेम र विवाहबारे बन्न लागेको फिल्मलाई सुदर्शन थापाले निर्देशन गर्नेछन् । फिल्मको पटकथा लेखक सुशील पौडेल हुन् ।

‘लीला’ र ‘लालटिन’ फिल्ममा अभिनय गरेका राज चलचित्र विकास बोर्डका सदस्य समेत हुन् । राजले सुदर्शन थापालाई निर्देशकमा लिएर फिल्म ‘राजा’ निर्माणको घोषणा गरिसकेका छन् । यो फिल्मको सुटिङ चाहिं दशैंपछि हुनेछ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?