News Summary
Generated by OK AI. Editorially reviewed.- जिल्ला प्रशासन कार्यालय सिन्धुपाल्चोकले भोटेकोशी र सुनकोशी नदी आसपासका बासिन्दालाई सतर्कता अपनाउन आग्रह गरेको छ।
- चीनको न्यालम क्षेत्रमा वर्षा भइरहेकाले नदी आसपास जोखिम हुन सक्ने सूचना दिइएको हो।
- बाढीले नेपाल–चीन मितेरी पुल र निर्माणाधीन टिमुरे सुक्खा बन्दरगाहमा क्षति र कामदार बेपत्ता भएको छ।
२४ असार, काठमाडौं । जिल्ला प्रशासन कार्यालय सिन्धुपाल्चोकले भोटेकोशी र सुनकोशी नदी असपास क्षेत्रका बासिन्दालाई सतर्कता अपनाउन आग्रह गरेको छ ।
मंगलबार एक सूचना जारी गर्दै छिमेकी राष्ट्र चीनको तिब्बत क्षेत्रको न्यालममा वर्षा भइरहेको र आज राति बढी वर्षा हुने सक्ने सम्भावना रहेको जानकारी चिनियाँ अधिकारीहरूबाट आएको भन्दै सिन्धुपाल्चोक प्रशासनले यस्तो आग्रह गरेको हो ।
प्रशासनले जारी गरेको सूचनामा भनिएको छ, ‘…चीनको तिब्ब क्षेत्रको न्यालममा वर्षा भइरहेको र आज राति बढी वर्षा हुन सक्ने सम्भावना रहेको भनी चिनियाँ अधिकारीबाट सूचना प्राप्त भएकोले भोटेकोशी र सुनकोशी नदी आसपास क्षेत्रमा जोखिम हुन सक्ने भएकोले नदी आसपास क्षेत्रका बासिन्दाहरूमा सतर्कता अपनाउन र अरनिको राजमार्ग (वन्देउदेखि लिपिङ) मा सवारी साधन चलाउँदा सतर्कता अपनाउन यो सूचना प्रकाशित गरिएको छ ।’
मंगलबार बिहान चीनतर्फबाट आएको बाढीले नेपाल–चीन मितेरी पुल, भन्सारसहितका स्थानमा क्षति गरेको छ ।
बाढीले रसुवामा निर्माणाधीन टिमुरे सुक्खा बन्दरगाहका १४ कामदार बेपत्ता भएका छन् । नेपाल इन्टरमोडल विकास समितिले सार्वजनिक गरेको विवरण अनुसार बेपत्ता हुनेमा ८ नेपाली र ६ चिनियाँ कामदार छन् ।
बाढीले निर्माणाधीन टिमुरे सुक्खा बन्दरगाहमा ६० प्रतिशत भौतिक क्षति भएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4