शेरबहादुरलाई शेखरको आग्रह : पार्टी विभाजन रोक्नुस्

News Summary

Generated by OK AI. Editorially reviewed.

नेपाली कांग्रेसका नेता शेखर कोइरालाले पार्टी फुटबाट जोगाउन सभापति शेरबहादुर देउवालाई आग्रह गर्नुभएको छ।
शेखर कोइरालाले देउवासँग आधा घण्टा छलफल गर्नुभएको छ र विभाजन रोक्न तत्काल कदम चाल्न भनिएको छ।
महाधिवेशन प्रतिनिधिको मागअनुसार महामन्त्री गगनकुमार थापा र विश्वप्रकाश शर्माले विशेष महाधिवेशन आह्वान गरेका छन्।

२८ पुस, काठमाडौं । नेपाली कांग्रेसका नेता शेखर कोइरालाले पार्टी फुटबाट जोगाउन सभापति शेरबहादुर देउवालाई आग्रह गरेका छन् । केहीबेरअघि आफूनिकटका पदाधिकारी तथा नेताहरूसहित देउवा निवास महाराजगञ्जमा पुगेका शेखरले देउवालाई यस्तो आग्रह गरेको भेटमा सहभागी एक नेताले अनलाइखबरलाई जानकारी दिए ।

‘शेखर दाइको नेतृत्वमा हामी सभापतिलाई भेट्न आयौँ । थुप्रै नेताहरू हुनुहुन्थ्यो,’ उनले भने,’ उहाँ (शेखर)ले विभाजनबाट रोक्न के गर्न सकिन्छ तत्काल गर्नुस् भन्नुभयो ।’

शेखरका स्वकीय सचिव दिनेश थपलियाले देउवासँग आधा घण्टा छलफल भएको जानकारी दिए ।

५४ प्रतिशत महाधिवेशन प्रतिनिधिको मागअनुसार महामन्त्रीद्वय गगनकुमार थापा र विश्वप्रकाश शर्माले विशेष महाधिवेशन आह्वान गरे । सोहीअनुसार आइतबार उद्घाटन भयो । सोमबार बन्दसत्र जारी छ ।

यही बेला देउवा भने आफूनिकट नेता र कानुनव्यवसायीसँग छलफलमा जुटेका छन् ।