निर्वाचन प्रणालीप्रति नागरिकको विश्वास बढ्यो, लोकतन्त्र मजबुत भयो: राष्ट्रपति

News Summary

Generated by OK AI. Editorially reviewed.

राष्ट्रपति रामचन्द्र पौडेलले फागुन २१ गते सम्पन्न प्रतिनिधिसभा निर्वाचन स्वतन्त्र, निष्पक्ष र भयरहित वातावरणमा भएकोमा खुसी व्यक्त गर्नुभयो।
निर्वाचन आयोगका कार्यवाहक प्रमुख आयुक्त रामप्रसाद भण्डारीले राष्ट्रपति भवन शीतलनिवासमा प्रतिनिधिसभा निर्वाचनसम्बन्धी प्रतिवेदन पेस गर्नुभयो।
राष्ट्रपतिले निर्वाचन प्रणालीप्रति आम नागरिकको विश्वास अभिवृद्धि भई लोकतन्त्र अझ मजबुत भएको अनुभूति व्यक्त गर्नुभयो।

५ चैत, काठमाडौं । राष्ट्रपति रामचन्द्र पौडेलले कठिन र जटिल परिस्थितिमा निर्वाचन सम्पन्न भएकोमा खुसी व्यक्त गरेका छन् । आयोगले तयार पारेको फागुन २१ गते सम्पन्न प्रतिनिधिसभा निर्वाचनसम्बन्धी प्रतिवेदन बुझ्दै उनले यस्तो बताएका हुन् ।

राष्ट्रपति भवन शीतलनिवासमा बिहीबार निर्वाचन आयोगका कार्यवाहक प्रमुख आयुक्त रामप्रसाद भण्डारीले प्रतिवेदन पेस गरे ।

‘फागुन २१ गते प्रतिनिधि सभा सदस्य निर्वाचन स्वतन्त्र, निष्पक्ष र भयरहित वातावरणमा सम्पन्न गरी आयोगले आफ्नो जिम्मेवारी सफलतापूर्वक निर्वाह गरेको छ,’ उनले भने, ‘जसले निर्वाचन आयोग र निर्वाचन प्रणालीप्रति आम नागरिकको विश्वास अभिवृद्धि भई लोकतन्त्र अझ मजबुत भएको मैले अनुभूत गरेको छु ।’