टिभी श्रृंखला ‘बिजोग रमाइलो’ आउने : कक्रोच, बले, खुपीका बाउ शीर्ष भूमिकामा

Listen News

0:00

0:30

🔊

News Summary

Generated by OK AI. Editorially reviewed.

टेलिभिजन सिरिजका चर्चित कलाकारहरूसहित नयाँ श्रृंखला 'विजोग रमाइलो' बन्ने भएको छ।
श्रृंखलाको छायांकन काभ्रेको पनौती आसपास आगामी सोमबारदेखि सुरु हुँदैछ।
कमेडी जनरामा बन्ने श्रृंखलामा सामाजिक कथावस्तु समेटिने कलाकार कमलमणीले जनाए।

काठमाडौं । टेलिभिजन सिरिजका चर्चित नामलाई समेटेर नयाँ श्रृंखला ‘विजोग रमाइलो’ बन्ने भएको छ । हरिश निरौला ‘कक्रोच’, सागर लम्साल ‘बले’, कमलमणी नेपाल ‘खुपीका बाउ’, दीपक आचार्य ‘काकु’ ले समेत यसमा अभिनय गर्दैछन् ।

कक्रोचले निर्देशन गर्ने श्रृंखलाको छायांकन काभ्रेको पनौती आसपासमा आगामी सोमबारदेखि सुरु हुँदैछ । ‘सक्किगो नि’ श्रृंखलाका चर्चित कलाकार यसमा अधिकांश छन् । कुमार कट्टेल ‘जिग्री ब्रो’ र अर्जुन घिमिरे ‘पाँडे’ भने देखिनेछैनन् ।

कक्रोजले सामाजिक सञ्जालबाट शुक्रबार नयाँ श्रृंखलाको घोषणा गरेका छन् । श्रृंखलाको नाम र कलाकारबारे बताइएपनि विस्तृत बताइएको छैन । टेलिभिजन र डिजिटल प्लाटफर्मबारे खुलाइएको छैन ।

श्रृंखलामा बबिन राई गल्फने, सुबोध गौतम यधुमे, गोविन्द कोइराला जयन्ते, सुरक्षा इटनी सुरु, भावना आचार्य लुरी, अशोक धिताल बाहुन डन, गजित विष्ट जेठान, रामभजन कामतको पनि अभिनय हुनेछ ।

कमेडी जनरामा बन्ने श्रृंखलामा समसामयिक सामाजिक कथावस्तु समेटिने कलाकार कमलमणीले जनाए । सुरुमा दुई एपिसोड छायांकनको तयारी छ । टिभी र डिजिटल प्लाटफर्म निश्चित हुने वित्तिकै प्रसारण मिति तय हुने उनले बताए ।