‘ठमेलका सम्पदाहरू’ पुस्तक विमोचन

News Summary

Generated by OK AI. Editorially reviewed.

ठमेल क्षेत्रका एक दर्जनभन्दा बढी सम्पदालाई समेटेर नीति अनुसन्धान प्रतिष्ठान नेपालले 'ठमेलका सम्पदाहरू' पुस्तक प्रकाशित गरेको छ।
ठमेल पर्यटन विकास परिषद्का उपाध्यक्ष सहदेव धमलाको सक्रियतामा पुस्तकको काठमाडौंमा विमोचन गरिएको छ।
पुस्तकमा ठमेलेश्वर मन्दिर, मैत्रीपुर महाविहार, नाट्टेश्वर लगायत सम्पदाको खोज अनुसन्धान प्रकृति अधिकारीले गरेका थिए।

८ चैत, काठमाडौं । नेपालको प्रमुख पर्यटकीय गन्तव्य ठमेल क्षेत्रका सम्पदाहरूलाई समेटेर ‘ठमेलका सम्पदाहरू’ पुस्तक प्रकाशित भएको छ ।

सो पुस्तकमा ठमेलभित्रका एक दर्जनभन्दा बढी सम्पदालाई समेटिएको छ

ठमेल पर्यटन विकास परिषद्का उपाध्यक्ष सहदेव धमलाको सक्रियतामा नीति अनुसन्धान प्रतिष्ठान नेपालले प्रकाशित गरेको पुस्तकको आज काठमाडौंमा विमोचन गरिएको हो ।

पुस्तकमा ठमेलभित्रका ठमेलेश्वर मन्दिर, मैत्रीपुर महाविहार, नाट्टेश्वर, त्रिदेवी मन्दिर, अशोक चैत्य, भगवान बहालको बारेमा वर्णन गरिएको छ ।

यस्तै भगवती मन्दिर, भिमसेनपाटी, गाःहिटी, गुणाकर महाविहार, करुणापुर महाविहार, तःहिटी चैत्य, श्री गाहा चैत्यको बारेमा खोज अनुसन्धान गरिएको छ । यी सम्पदाको खोज प्रकृति अधिकारीले गरेका थिए ।

पुस्तक विमोचन समारोहमा बोल्दै ठमेल पर्यटन विकास परिषद्का उपाध्यक्ष धमलाले नेपाल घुम्न आउने विदेशी पर्यटकलाई ठमेल क्षेत्रभित्रका सम्पदाहरुको बारेमा जानकारी दिन यो पुस्तक प्रकाशन गरिएको जानकारी दिए ।

स्वदेशी सम्पदा प्रेमीहरूका लागि पनि पुस्तक संग्रहणीय भएको उनले बताए ।