‘लालीबजार’ को सफलता सेलिब्रेसन, निर्माताले दिए दर्शकलाई धन्यवाद

Listen News

0:00

0:30

🔊

News Summary

Generated by OK AI. Editorially reviewed.

फिल्म ‘लालीबजार’ले व्यावसायिक सफलता हासिल गरेपछि काठमाडौंमा एक समारोह आयोजना गरी निर्माण टिम र कलाकारहरूलाई कदर पत्र प्रदान गरिएको छ।
चलचित्र विकास बोर्डका अनुसार यस फिल्मले हालसम्म घरेलु बक्सअफिसमा ९ करोड ३१ लाख ७७ हजार ६९० रुपैयाँ ग्रस कमाइ गरी वर्ष २०८३ को सर्वाधिक कमाउने फिल्म बनेको छ।
कार्यकारी निर्माता प्रदीप भट्टराईले दर्शकको मायाले आफूहरू सफल भएको बताउँदै अब नयाँ फिल्मको स्क्रिप्ट लेखन कार्य भइरहेको जानकारी दिनुभएको छ।

काठमाडौं । फिल्म ‘लालीबजार’ले व्यवसायिक सफलतालाई सेलिब्रेसन गरेको छ । आयोजित समारोहमा निर्माण कलाकार, निर्माण टिम र प्राविधिकलाई कदर पत्र प्रदान गरियो ।

कलाकार मदनकृष्ण श्रेष्ठ, हरिवंश आचार्य, चलचित्र विकास बोर्डका अध्यक्ष दिनेश डीसी, कलाकार चैत्यदेवी सिंह, बसुन्धरा भुसाल, भुवन चन्दले कदर पत्र प्रदान गरे ।

कार्यकारी निर्माता प्रदीप भट्टराईले फिल्म रिलिजको समयमा नयाँ अनुभव बटुलेको बताए । ‘नयाँ अनुभव भयो । जनताले मन पराएपछि हामी सफल भयौं’ उनले भने ।

सो अवसरमा फिल्मका निर्माता म्याक्स दिपेश खत्री, कलाकार रवीन्द्रसिंह बानियाँ, स्वस्तिमा खड्का, विशाल देवकोटासहित सहभागी थिए । उनीहरूले साथका लागि दर्शकलाई धन्यवाद समेत दिए ।

सो अवसरमा केक चखाएर खुसी बाँडियो ।

चलचित्र विकास बोर्डका अनुसार पछिल्लो शनिबारसम्म फिल्मले घरेलु बक्सअफिसमा ९ करोड ३१ लाख ७७ हजार ६९० रुपैयाँ ग्रस कमाइ गरेको छ । फिल्मले अन्य राइट बिक्रीमार्फत १० करोडभन्दा धेरै कमाएको छ । यो फिल्म वर्ष २०८३ मा सर्वाधिक कमाउने नेपाली फिल्म समेत हो ।

निर्माता षट्कोण आर्ट्स नयाँ फिल्म निर्माणको तयारीमा रहेको र यसको लागि स्क्रिप्ट लेखन कार्य भैरहेको निर्माता खत्रीले जानकारी दिए ।