माइत आएकी जुनमायाले आमासहित १५ जनालाई बचाइन्

१३ भदौ, बेत्रावती, नुवाकोट । जुनमाया वाइबा १० गते बेत्रावतीस्थित माइतीघरमा आइपुगेकी मात्र थिइन्, स्याप्रुबेसीबाट फोन आयो, ‘बजारमा हुनुहुन्छ भने निस्किहाल्नुहोस् बाढी आएको छ ।’

आमाले जुनमायालाई हरेक वर्ष आउने जस्तै बाढी होला भनिरहेकी थिइन् । ‘आमाले खोला हत्तपत्त यहाँ आउँदैन, आए पनि तलै जान्छ भन्नुभयो । तर एकैछिनामा झ्याप्पै खोला आयो,’ उनले भनिन् । त्यसपछि जुनमायाले हतारहतार आमालाई माथितिर तानेर लगिन् ।

‘भिनाजु पनि हुनुहुन्थ्यो । तर त्यतिबेला पारि जानुभएको थियो । उहाँलाई एकछिन कुरेर बस्यौं । उहाँ आएपछि सबै सँगै निस्कियौं । तर खोला त आइहाल्यो,’ उनले सुनाइन् ।

त्यसपछि उनले पालैपालो वरिपरि रहेकालाई समाउँदै अग्लो ठाउँतिर पुर्‍याइन् । ‘अब तान्ने भयो भनेर हत्तपत्त झाडी समातेर तान्दै सबैलाई पखा लगाएँ,’ जुनमायाले भनिन्, ‘हेर्दाहेर्दै छालले मान्छे र घर लग्यो । हामी माथि जंगलमा आएर बस्यौँ ।’

१५–१६ जनालाई उद्धार गर्दा उनको कपडा सबै भिजेको थियो । लेदो लागेको थियो । ‘मैले यतापट्टिको घरका, भिनाजुहरूतिरका गरी झन्डै १५–१६ जना बचाएँ । खल्लीबल्ली गर्दै त्यहाँ पुगेर जोगाएको हुँ,’ उनले भनिन्, ‘कतिलाई हेर्दाहेर्दै बगायो । अहिलेसम्म सम्पर्कका आउनुभएको छैन ।’

हेर्दाहेर्दै बाढीले सिंगो वस्ती नै तहसनहस पारेको जुनमायाले बताइन् । आफूसँग लगाएको एकजोर कपडा बाहेक केही नभएको जुनमायाले बताइन् ।

‘अहिले पनि यही एकजोर कपडा लगाइरहेको छु । अरू कपडा छैन,’ उनले भनिन्, ‘बाँचेका जति केराघारी आएर बसेका छौँ । पहिलो दिन ५०-६० जना यहाँ आएका थियौं ।’

जुनमायाले धेरै जना बाढीको भुमरीमा परेको उनले आफ्नै आँखाले देखेकी छिन् । ‘पाखातिर आउनु भनेर बोलाउँदा धरै जना बगरबाट उकालो लाग्नु भयो । उहाँहरूलाई एकै पटक बाढीले सोहोरेर लग्यो,’ उनले भनिन्, ‘मान्छेहरू पाखा लाग्न पाएनन् । बगरतिर नगई पाखातिर भागेको भए अरू केही बाँच्नु हुन्थ्यो होला ।’

गोठमा गएका छिमेकी बुबालाई पनि जुनमायाले जोगाइन् । ‘उहाँ बुवा गोठमा बस्नुभएको रहेछ । पाखापट्टि गाई–भैँसीको गोठ थियो । वस्तुभाउलाई घाँस काटेर घाँस हाल्ने समय भएकोले त्यतै जानुभएको रहेछ । त्यही बेला परेर उहाँलाई उद्धार गरेँ,’ उनले भनिन्, ‘उहाँ दाइ भाउजुसँग बस्नु हुन्थ्यो । दुवै जनालाई बगाएर लग्यो । उहाँ बुबा अहिले एक्लै हुनुहुन्छ । यहाँ आश्रय लिएर बस्नुभएको छ ।’

७९ वर्षीय सुकुमाया तामाङ पनि छोरीका कारण आफू बचेको बताउँछिन् । ‘छोरीहरूले घिस्रिँदै माथि डाँडासम्म ल्याएको भएर म बाँचे,’ उनले भनिन्, ‘अरू रहेनन् । भएको जिलोपिलो सबै लग्यो ।’

उनीसँगैका छिमेकीलाई भने उनको आँखै अगाडि बगायो । ‘बाढी आएको बेला घरमै थिएँ । छोरी आइपुगेकी थिइन् । एकछिनमै बाढी आयो । यस्तो कहिले भएको थिएन’, उनले भनिन् ।

७९ वर्षसम्म नदेखेको बाढीले उनलाई अहिले पनि तर्साइरहन्छ । ‘यसपटक के आएको हो । यति द:ख दिन सट्टा जन्म नै नदिएको भएको हुने,’ उनी रुन थालिन् ।

सँगै रहेकी छोरी जुनमाया उनलाई सम्झाउन थाल्छिन्, ‘घर गएपनि बचियो । अब रोएर हुँदैन ।’

भिडिओमा संवाद : 

तस्वीर/भिडिओ : कमल प्रसाईँ/अनलाइनखबर

भोटेकोशी बाढीबारे अनलाइनखबरले गरेका मुख्य रिपोर्टिङहरू–

यो पनि पढ्नुहोस

अब बेत्रावतीमा घण्टाघरले दिने छैन समय (भिडियो)

यो पनि पढ्नुहोस

१२ भन्दा बढी देशले चाहेका छन् उद्धार अनुमति, सरकारले के गर्छ ?

यो पनि पढ्नुहोस

त्यो एक मिनेट : भन्सार अधिकृत करवीर जोगिए, सहकर्मी बाढीमा बगे

यो पनि पढ्नुहोस

३७० विद्यार्थी पढ्ने उत्तरगया स्कुलको कथा : करिब आधा जोगिए, आधा अझै बेपत्ता

यो पनि पढ्नुहोस

शवगृहले थेगेन, करिडोरमै कुहिन थाले शव

यो पनि पढ्नुहोस

बाढीपछिको संकट : शव भेटिँदै गए, राख्ने ठाउँ छैन

यो पनि पढ्नुहोस

भरतपुर शव पहिचान केन्द्रमा बेचैन आफन्त : हातमा बेपत्ताका तस्वीर, आँखामा आँसु

यो पनि पढ्नुहोस

शवगृह बाहिरको कारुणिक दृश्य : जताजता शव, उतैउतै भौंतारिँदै आफन्त

यो पनि पढ्नुहोस

रातभर खुला आकाशमुनि छन् बेत्रावतीमा बाँचेकाहरू (भिडियो रिपोर्ट)

यो पनि पढ्नुहोस

टिमुरेमा बाढीबाट बाँचेकाहरूको २५ घण्टे त्रासदी

यो पनि पढ्नुहोस

अस्पतालमा पाँच वर्षीया इशारा : आफू जालीमा अड्किएर बाँचिन्, आमालाई बगायो

यो पनि पढ्नुहोस

बाढीले छुटे आफन्त, अस्पतालमा भेटिने आस

यो पनि पढ्नुहोस

अस्पतालको शय्यामा सुजल : अन्धकार छ मृत्युको मुखबाट फर्किएको संसार

यो पनि पढ्नुहोस

बाढीले परिवार छुटायो, आफन्त अस्पतालमा खोज्दैछन्

यो पनि पढ्नुहोस

त्रसित बट्टार : अर्को बाढीको खबरले बिथोलिरहन्छ आफन्त भेटिने आशा

यो पनि पढ्नुहोस

‘४०-५० विद्यार्थीसहित सुरक्षित आयौं, १५ जना अझै उद्धारको पर्खाइमा छन्’

यो पनि पढ्नुहोस

हेलिसँगै ब्युँतिन्छ आफन्त फर्कने आश

यो पनि पढ्नुहोस

‘फिल्डमा पुगेर उद्धार र शव व्यवस्थापन गर्ने जनशक्तिको अभाव छ’

यो पनि पढ्नुहोस

बाढीको उद्‌गमस्थलदेखि कोल्पुटारसम्मको स्याटेलाइट दृश्य (पहिले र अहिले)